టాలీవుడ్‌ యంగ్ హీరో శ‌ర్వానంద్ న‌టిస్తోన్న ఫ్యామిలీ ఎంట‌ర్‌టైన‌ర్‌ మూవీ ‘శ్రీకారం’. కిశోర్ బి. ద‌ర్శ‌క‌త్వం వస్తున్న ఈ సినిమాలో ప్రియాంకా అరుళ్ మోహ‌న్ హీరోయిన్‌గా న‌టిస్తుంది. 14 రీల్స్ ప్లస్ బ్యాన‌ర్‌పై రామ్ ఆచంట, గోపి ఆచంట ఈ సినిమాను నిర్మిస్తున్నారు. మ‌హా శివ‌రాత్రి కానుక‌గా మార్చి 11న ‘శ్రీకారం’ సినిమాని థియేట‌ర్ల‌లో విడుదల చేయ‌నున్న‌ట్లు శ‌నివారం చిత్ర బృందం ప్ర‌క‌టించింది. ఈ సంద‌ర్భంగా విడుదల తేదీతో పోస్ట‌ర్‌ను రిలీజ్‌ చేశారు. ఈ పోస్ట‌ర్‌లో గ‌ళ్ల లుంగీ, కాట‌న్ ష‌ర్ట్‌, భుజాన కండువాతో న‌వ్వుతూ నిల్చొని ఉన్న శ‌ర్వానంద్ క‌నిపిస్తున్నారు. ‘గ‌ద్ద‌ల‌కొండ గ‌ణేష్’ వంటి బ్లాక్‌బ‌స్ట‌ర్ త‌ర్వాత 14 రీల్స్ ప్లస్ బ్యాన‌ర్ నుంచి వ‌స్తోన్న రెండో చిత్రం ‘శ్రీకారం’.
శివరాత్రికి శర్వా ‘శ్రీకారం’
