టాలీవుడ్ హీరో శర్వానంద్ న‌టిస్తోన్న తాజా చిత్రం శ్రీకారం. కిశోర్ బి ద‌ర్శ‌క‌త్వం వహిస్తున్న ఈ చిత్రం మార్చి 11న విడుదల కానుంది. ఈ నేపధ్యంలో తాజాగా ఈ సినిమా టీజర్ విడుదలైంది. ఈ టీజర్ ను సూపర్‌ స్టార్‌ మ‌హేష్‌బాబు విడుదల చేస్తూ.. శ్రీకారం టీంకు ఆల్ ది బెస్ట్ చెప్పారు. ఈ టీజర్‌లో శర్వానంద్ యువ రైతుల పాత్రలో కనిపిస్తున్నాడు. ఇందులో రైతుల గొప్పతనం గురించి చెప్తూ కథ రాసుకున్నాడు కిషోర్. ఇప్పుడు టీజర్‌లో కూడా ఇదే చూపించాడు. తినేవాళ్లు నెత్తిమీద జుట్టు అంత ఉంటే.. పండించేవాళ్లు మూతిమీద మీసం అంతమంది కూడా లేరు అంటూ సాయిమాధవ్ బుర్రా అద్భుతమైన మాటలు రాసాడు. ఫ్యామిలీ ఎంట‌ర్‌టైన‌ర్‌గా తెరకెక్కుతున్న ఈ సినిమాలో ప్రియాంకా అరుళ్ మోహ‌న్ హీరోయిన్‌గా న‌టిస్తుంది. 14 రీల్స్ ప్ల‌స్‌ బ్యాన‌ర్‌పై రామ్ ఆచంట, గోపి ఆచంట ఈ సినిమాను నిర్మిస్తున్నారు.
