టాలీవుడ్‌ మెగాస్టార్‌ చిరంజీవికి జంటగా బాలీవుడ్ బ్యూటీ సోనాక్షి సిన్హా మెరవనుందనే వార్తలు సోషల్‌ మీడియాలో వైరలు వినిపిస్తున్నాయి. చిరంజీవి హీరోగా డైరెక్టర్‌ బాబీ తో ఒక సినిమాను రూపొందించనున్న సంగతి తెలిసిందే. అందుకు సంబంధించిన సన్నాహాలు జరుగుతున్నాయి. ఈ సినిమాలో చిరంజీవి సరసన హీరోయిన్‌గా సోనాక్షి అయితే బాగుంటుందనే అభిప్రాయంతో.. ఆమెతో సంప్రదింపులు జరుపుతున్నాడని అంటున్నారు. దాదాపు ఆమెనే ఖరారు కావొచ్చుననే అభిప్రాయాలు వ్యక్తమవుతున్నాయి.
ప్రస్తుతం చిరంజీవి ‘ఆచార్య’ సినిమాలో నటిస్తున్నారు. వచ్చేనెలతో ఈ సినిమా షూటింగు పూర్తి కానుంది. ఆ తరువాత ప్రాజెక్టుగా మలయాళ మూవీ ‘లూసిఫర్’ రీమేక్ పట్టాలెక్కుతుంది. అది పూర్తయ్యాక బాబీ దర్శకత్వం వహించనున్న సినిమా పట్టాలెక్కే అవకాశాలున్నాయి.
