టాలీవుడ్‌ ఎనర్జిటిక్ హీరో రామ్ – బోయపాటి శ్రీను కాంబినేషన్‌లో వస్తోన్న చిత్రం ‘స్కంద’. ఈ సినిమాలో శ్రీలీల హీరోయిన్‌గా నటిస్తోంది. ఈ మూవీ నుంచి ఇప్పటికే విడుదలైన పోస్టర్లు సినిమాపై మంచి హైప్‌ని క్రియేట్‌ చేశాయి. తాజాగా ఈ సినిమా నుండి మరో అప్డేట్ వచ్చింది.
ఫైనల్ సాంగ్ షూటింగ్‌తో స్కంద షూటింగ్ పూర్తయింది. సాంగ్ షూట్‌ లొకేషన్‌లో థంబ్స్‌ అప్‌ సింబల్‌ చూపిస్తూ.. ఇదే విషయాన్ని చెప్పారు బోయపాటి, రామ్, శ్రీలీల. ఈ పాట కూడా విజువల్ ఫీస్ట్‌లా ఉండబోతున్నట్టు తాజా లుక్‌తో అర్థమవుతోంది.
ఈ సినిమా సెప్టెంబర్‌ 15న ప్రపంచవ్యాప్తంగా విడుదల చేస్తున్నట్టు ప్రకటించింది మూవీ టీమ్‌. శ్రీనివాస సిల్వర్‌ స్క్రీన్స్ ప‌తాకంపై ప‌వ‌న్ కుమార్ స‌మ‌ర్పణలో శ్రీనివాస చిట్టూరి ఈ సినిమాని నిర్మిస్తున్నారు. ఈ ప్రాజెక్ట్‌ తెలుగు, త‌మిళం, మ‌ల‌యాళం, క‌న్నడ, హిందీలో గ్రాండ్‌గా విడుదల కానుంది.
అఖండ తర్వాత బోయపాటి శ్రీను కాంపౌండ్‌ నుంచి వస్తున్న సినిమా కావడంతో స్కందపై అంచనాలు భారీగానే ఉన్నాయి. రామ్ మరోవైపు పూరీ జగన్నాథ్‌ డైరెక్షన్‌లో డబుల్‌ ఇస్మార్ట్‌ సినిమా చేస్తుండగా.. షూటింగ్ దశలో ఉంది. ఇప్పటికే రిలీజ్ చేసిన షూటింగ్ అప్డేట్ స్టిల్స్ నెట్టింట చక్కర్లు కొడుతున్నాయి.
