రామ్‌ పోతినేని హీరోగా నటిస్తున్న చిత్రం ‘స్కంద’. ఈ సినిమా సెప్టెంబర్‌ 28న రిలీజ్‌ కాబోతుంది. ఇప్పటికే ఈ సినిమా నుండి విడుదలైన టీజర్, ట్రైలర్‌లు మాస్‌ ఆడియెన్స్‌లో ఆసక్తిని కలిగించాయి. తాజాగా ఈ సినిమా బ్యాక్ టు బ్యాక్ అప్‌డేట్‌లు ప్రకటిస్తున్నారు. తాజాగా ఈ సినిమాలో కల్ట్‌ మామా అంటూ ఓ ఐటెం సాంగ్‌ అప్‌డేట్‌ను వెల్లడించారు.
వినాయక చవితి సందర్భంగా సెప్టెంబర్‌ 18న ఈ ఊర మాస్‌ పాటను రిలీజ్‌ చేయబోతున్నట్లు మేకర్స్‌ ప్రకటించారు. ఇక ఈ స్పెషల్ సాంగ్‌లో బాలీవుడ్‌ ఐటెం గర్ల్‌ ఊర్వశి రౌటెలా నర్తించింది. ఈ మేరకు ఓ స్పెషల్ పోస్టర్‌ను కూడా రిలీజ్‌ చేశారు. పోస్టర్‌తో పాట ఊరమాస్‌గా ఉండబోతున్నట్లు క్లారిట వచ్చేసింది.
ఈ సినిమాలో శ్రీలీల హీరోయిన్‌గా నటించింది. థమన్‌ సంగీతం అందించాడు. శ్రీనివాస సిల్వర్‌ స్క్రీన్‌ పతాకంపై తెరకెక్కిన ఈ సినిమా నార్త్‌లో మంచి హైప్‌తో రిలీజవుతుంది. ఇక అదే రోజున చంద్రముఖి-2 కూడా రిలీజ్‌ కాబోతుంది.
