Ram Pothineni Movies
హీరో Ram Pothineni ఇండస్ట్రీలో తనకంటూ ఒక మంచి పేరు సంపాదించుకున్నారు. నిన్న మొన్నటిదాకా మినిమం గ్యారెంటీ హీరో లాగా ఉండేవారు. రొమాంటిక్ కామెడీ సినిమాలతో హీరోగా ప్రేక్షకులను బాగా అలరించేవారు. కానీ ఒక్క బ్లాక్ బస్టర్ సినిమా రామ్ కెరియర్ ను మార్చేసింది.
ఆ సినిమానే ఇస్మార్ట్ శంకర్. పూరి జగన్నాథ్ దర్శకత్వంలో Ram Pothineni హీరోగా వచ్చిన ఇస్మార్ట్ శంకర్ సినిమా బ్లాక్ బస్టర్ అయింది. కానీ ఆ బ్లాక్ బస్టర్ కారణంగానే రామ్ కెరియర్ కూడా మారిపోయింది. అప్పటిదాకా రొమాంటిక్ కామెడీ సినిమాలు చేస్తూ సూపర్ హిట్లు అందుకున్న రామ్ పోతినేని ఇస్మార్ట్ శంకర్ సినిమా తర్వాత మాస్ ఇమేజ్ తెచ్చుకున్నారు.
ఆ సినిమా తర్వాత కూడా తన మాస్ ఇమేజ్ కాపాడుకోవడం కోసం రామ్ కేవలం సీరియస్ సినిమాలు మాత్రమే ఒప్పుకోవడం మొదలుపెట్టారు. ఆ తర్వాత వచ్చిన రెడ్ సినిమా తమిళ్ లో తదం అనే సినిమాకి రీమేక్ గా విడుదలైంది. సినిమా టాక్ ఎలా ఉన్నా కమర్షియల్ గా బాగానే సక్సెస్ అయింది.
ఈ నేపథ్యంలోని రామ్ మరిన్ని మాస్ సినిమాలకు గ్రీన్ సిగ్నల్ ఇచ్చేశారు. కానీ అక్కడి నుంచే తేడా కొట్టింది. రెడ్ తర్వాత ది వారియర్ సినిమా బాక్స్ ఆఫీస్ వద్ద డిజాస్టర్ గా నిలిచింది. ఆ తర్వాత కూడా మళ్లీ రామ్ స్కంద అనే మరొక సినిమాతో ప్రేక్షకుల ముందుకి వచ్చారు. కానీ ఆ సినిమాతో కూడా హిట్ అందుకోలేకపోయారు.
దీంతో మళ్లీ ఇస్మార్ట్ శంకర్ సినిమాకి సీక్వెల్ అంటూ డబుల్ ఇస్మార్ట్ అనే సినిమాతో ప్రేక్షకుల ముందుకి వచ్చారు. మల్లిపూరి జగన్నాథ్ దర్శకత్వంలోనే వచ్చిన ఆ సినిమా కూడా ఇప్పుడు డిజాస్టర్ దిశగా పరుగులు తీస్తోంది. ఆగస్టు 15న స్వాతంత్ర్య దినోత్సవం సందర్భంగా విడుదలైన ఈ చిత్రం మొదటి రోజు నుంచి నెగిటివ్ టాక్ తెచ్చుకుంది.
దీంతో రామ్ ఫ్యాన్స్ బాగా హర్ట్ అయ్యారు. ఇక మాస్ సినిమాలు తీసింది చాలు అని.. మళ్లీ తనకి బాగా వర్కౌట్ అయినా రొమాంటిక్ కామెడీ కానీ లేదా మరేదైనా డిఫరెంట్ జోనర్లో కానీ సినిమాలు చేస్తే బెటర్ అని ఫ్రాన్స్ సైతం కామెంట్స్ చేస్తున్నారు. మరి రామ్ నెక్స్ట్ సినిమాలో విషయంలో ఆయన తన తప్పు తెలుసుకుంటారో లేదో చూడాలి.
