ఆనంద్ దేవరకొండ నటిస్తున్న తాజా చిత్రం ‘పుష్పక విమానం’. ఇవాళ ఆయన పుట్టిన రోజు సందర్భంగా అతని సినిమాలోని ఫస్ట్‌ సాంగ్‌ని విజయ్ దేవరకొండ విడుదల చేశాడు. ఈ పాటకు రామ్ మిరియాల సంగీతాన్ని సమకూర్చడంతో పాటు మరో గీత రచయిత ఆనంద్ గుర్రంతో కలిసి సాహిత్యాన్ని అందించారు. చమన్ బ్రదర్స్ అనే బ్యాండ్ పేరుతో మ్యూజిక్ డైరెక్టర్ రామ్ మిరియాల, కొరియోగ్రాఫర్ రఘు మాస్టర్ పాటలో కనిపిస్తున్నారు. వాళ్లు పాడుతూ డాన్సులు చేస్తూ పాటకు సరికొత్త జోష్ తీసుకొచ్చారు.
దామోదర డైరెక్షన్‌లో వస్తున్న ఈ సినిమాని విజయ్ దేవరకొండ సమర్పణలో ‘కింగ్ ఆఫ్ ది హిల్’ ప్రొడక్షన్, టాంగా ప్రొడక్షన్ సంయుక్తంగా నిర్మిస్తున్నాయి. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రం త్వరలో ప్రేక్షకుల ముందుకు రానుంది.
