టాలీవుడ్‌ యంగ్‌ హీరో సిద్దు జొన్నలగడ్డ డీజే టిల్లు సినిమాతో మంచి గుర్తింపు తెచ్చుకున్నాడు. ప్రస్తుతం ఈహీరో డీజే టిల్లు- 2 సినిమా షూటింగ్‌తో బిజీగా ఉన్నాడు. ఈ క్రమంలో సిద్దు కొత్త సినిమాకు సంబంధించిన అధికారిక ప్రకటన వచ్చేసింది. ఈ సారి ఏకంగా స్టార్ డైరెక్టర్ సుకుమార్ రైటింగ్స్ బ్యానర్‌ లోనే సినిమా చేయబోతున్నాడు సిద్దు జొన్నలగడ్డ.
సిద్దుకు పుట్టినరోజు శుభాకాంక్షలు తెలియజేస్తూ.. ఫన్‌, లవ్‌, ఎంటర్‌టైన్‌ మెంట్‌ ప్రపంచంలోకి వెళ్లేందుకు రెడీగా ఉండండి అంటూ సిద్దు8 ప్రాజెక్ట్‌ అప్‌డేట్ అందించింది సుకుమార్ రైటింగ్స్. శ్రీ వెంకటేశ్వర సినీ చిత్ర బ్యానర్‌, సుకుమార్ రైటింగ్స్ తో కలిసి ఈ సినిమా తెరకెక్కిస్తోంది. బీవీఎస్‌ఎన్ ప్రసాద్‌, సుకుమార్ నిర్మాతలుగా వ్యవహరిస్తున్నారు. ఈ సినిమా త్వరలోనే సెట్స్‌ పైకి వెళ్లనుంది.
కథాబలమున్న సినిమాలను తెరకెక్కించే బ్యానర్లలో ముందు వరుసలో ఉంటుంది సుకుమార్ రైటింగ్స్. ఇక మాస్ ఫ్యాన్‌ ఫాలోయింగ్‌ ఉన్న సిద్దు లాంటి హీరోతో సుకుమార్ రైటింగ్స్ ఎలాంటి సినిమా చేయబోతుందన్నది మాత్రం ప్రస్తుతానికి సస్పెన్స్ నెలకొంది. ఈ ప్రాజెక్ట్‌పై మరిన్ని వివరాల కోసం రానున్న రోజుల్లో కొత్త అప్‌డేట్ ఇచ్చే వరకు వెయిట్ చేయాల్సిందే.
