నెచ్యురల్‌ స్టార్ నాని హీరోగా నటిస్తున్న సినిమా ‘శ్యామ్ సింగ రాయ్’. రాహుల్ సాంకృత్యన్ డైరెక్షన్‌లో రూపొందుతున్న ఈ సినిమా నాని కెరియర్లోనే భారీ బడ్జెట్ తో నిర్మితమవుతోంది. ఈ సినిమా కోసం 10 ఎకరాల్లో ఆరున్నర కోట్ల రూపాయల బడ్జెట్ తో భారీ సెట్లు వేశారు. నిన్న మొన్నటి వరకూ ఈ సెట్లోనే కీలకమైన సన్నివేశాలను రూపొందిస్తూ వచ్చారు. కరోనా ఎఫెక్ట్‌తో షూటింగును వాయిదా వేశారు.
అయితే కొన్ని రోజులుగా హైదరాబాద్ పరిసర ప్రాంతాల్లో కురుస్తున్న వర్షాల కారణంగా ఈ సెట్ భారీగానే దెబ్బతిందట. ఇలా జరగడం నిర్మాతకు కొంత నష్టాన్ని కలిగించిందనే అంటున్నారు. ఈ సెట్ ను మళ్ళీ పునర్నిర్మించడానికి మరో రెండు కోట్ల రూపాయల దాకా ఖర్చయ్యే అవకాశం ఉందని టాక్ నడుస్తోంది.. కరోనా లేకపోతే ఈ పాటికే ఆ సెట్టులో షూటింగు పూర్తి అయిపోయేదనీ, ఈ నష్టం జరగకుండా ఉండేదని చెప్పుకుంటున్నారు. ఈ సినిమాలో నాని డిటెక్టివ్ గా నటిస్తుండగా, సాయిపల్లవి .. కృతి శెట్టి హీరోయిన్‌లుగా నటస్తున్నారు. మిక్కీ.జె మేయర్ ఈ సినిమాకి సంగీతాన్ని అందిస్తున్నారు.
