యంగ్‌ రెబల్‌ స్టార్‌ ప్రభాస్‌తో ప్రశాంత్‌ నీల్‌ డైరెక్షన్‌లో “సలార్” సినిమాలో నటిస్తున్న సంగతి తెలిసిందే. ఈ సినిమాలో ప్రభాస్‌తో జోడీ కట్టే అవకాశం దక్కించుకుంది శృతిహాసన్‌. కాగా ఇప్పటి వరకు ఈ వార్తలపై సైలైంట్‌గా ఉన్న మూవీయూనిట్‌ నేడు శృతి పుట్టినరోజు సందర్భంగా ఈ విషయాన్ని అధికారికంగా ధృవీకరించింది. ఇక ఈ వారంలోనే సలార్ షూటింగ్‌ షురూ కానుంది.
ఇప్పటికే సింగరేణి బొగ్గు గనిలో ఫైటింగ్‌ సీన్‌ కోసం సెట్‌ సిద్ధం చేస్తున్నారు. హోంబలే ఫిలింస్‌ బ్యానర్‌పై విజయ్‌ కిరంగందూరు నిర్మాణంలో రూపొందుతున్న ఈ సినిమాకు భువన్‌గౌడ సినిమాటోగ్రఫీ, రవి బస్రూర్‌ సంగీతం అందిస్తున్నారు. శృతి హాసన్‌ తాజాగా నటించిన ‘క్రాక్’ బ్లాక్‌బస్టర్‌ హిట్‌ కావడంతో అందరి దృష్టి శృతి మీద పడింది. అలా ఆమెకు పాన్‌ ఇండియా మూవీ ‘సలార్’లో నటించే లక్కీ ఛాన్స్‌ కొట్టేసింది.
