Vijay Sethupathi Love Story:
విజయ్ సేతుపతి (Vijay Sethupathi) తన సహజమైన నటనతో కోలీవుడ్‌లో స్టార్ హీరోగా గుర్తింపు తెచ్చుకున్నారు. అటు హీరోగా, ఇటు విలన్‌గా తనదైన ముద్ర వేశాడు. అయితే, ఆయన సినీ ప్రయాణం ప్రారంభమయ్యే ముందు, లవ్ స్టోరీ కూడా ఇంట్రెస్టింగ్‌గా ఉంటుంది.
విజయ్ సేతుపతి గల్ఫ్ దేశంలో ఉద్యోగం చేస్తున్న రోజుల్లో జెస్సీ అనే మలయాళీ అమ్మాయితో సోషల్ మీడియాలో పరిచయం అయ్యాడు. వారిద్దరి మధ్య దూరం ఉన్నా, చాటింగ్ ద్వారా దగ్గరయ్యారు. ప్రేమ బలపడటంతో కుటుంబ సభ్యులను ఒప్పించి పెళ్లి చేసుకున్నారు.
ఇక్కడ అసలు ట్విస్ట్ ఏంటంటే, విజయ్ సేతుపతి తన భార్య జెస్సీని ఎంగేజ్‌మెంట్ రోజునే ప్రత్యక్షంగా చూసాడు. అంటే, ఇంతవరకు కలవకుండానే ప్రేమించి, ఎంగేజ్‌మెంట్ రోజునే తొలిసారి చూసి పెళ్లికి అంగీకరించడం చాలా ఇంట్రెస్టింగ్.
ఈ జంటకు ఇద్దరు పిల్లలు – కొడుకు సూర్య, కుమార్తె శ్రీజ. తన చిన్ననాటి స్నేహితుడి జ్ఞాపకార్థం విజయ్ సేతుపతి కొడుకుకు “సూర్య” అని పేరు పెట్టారు.
సినిమాల విషయానికి వస్తే, విజయ్ సేతుపతి “తెన్మేర్కు పరువాకత్రు” సినిమాతో తమిళ ఇండస్ట్రీలో హీరోగా పరిచయమయ్యాడు. ఆయన విలన్‌గా మెప్పించిన చిత్రం “ఉప్పెన”, అందులో అతని పెర్ఫార్మెన్స్ తెలుగు ప్రేక్షకులను భయపెట్టేలా, మెప్పించేలా మారింది. ఇప్పుడు పాన్-ఇండియా సినిమాల్లో నటిస్తూ తన స్థాయిని పెంచుకుంటున్నారు.
