Salman Khan Atlee Movie Update:
షారుక్ ఖాన్‌తో ‘జవాన్’ మూవీతో భారీ బ్లాక్‌బస్టర్ సాధించిన దర్శకుడు అట్లీ, ఇప్పుడు బాలీవుడ్ మెగాస్టార్ సల్మాన్ ఖాన్‌తో కొత్త ప్రాజెక్ట్‌ను ప్రారంభించబోతున్నారు. ప్రస్తుతానికి ఈ ప్రాజెక్ట్ స్క్రిప్టింగ్ దశలో ఉంది. అట్ల ఈ సినిమా ప్రారంభానికి ముందు నుండే సల్మాన్ ఖాన్ అభిమానులు ఎంతో ఆసక్తిగా ఎదురు చూస్తున్నారు.
ఈ ప్రాజెక్ట్ గురించి ఓ ఆసక్తికరమైన వార్త ఇప్పుడు ఇంటర్నెట్‌లో ట్రెండ్ అవుతోంది. కథనాల ప్రకారం, ఈ సినిమా రీ-ఇంకార్నేషన్ డ్రామాగా రెండు విభిన్న యుగాల నేపథ్యంలో రూపొందుతుంది అని టాక్. గతకాలానికి సంబంధించిన సన్నివేశాలు మంచి విజువల్స్‌తో ఫిక్షనల్ వరల్డ్‌లో సాగుతాయని సమాచారం.
#Atlee – #SalmanKhan Project Update ⚠️
– Atlee is going to direct with Salman Khan next
– The shooting of the film will begin in the summer of next year.
– Atlee is still strengthening the plot of this film #A6 #Sikandar #Atlee6 pic.twitter.com/e4GBdfyXAm— Movie Tamil (@MovieTamil4) November 22, 2024
సల్మాన్ ఖాన్ ఈ సినిమాలో ఓ యోధుడి పాత్రలో కనిపిస్తారని, ప్రధానంగా పీరియడ్ పార్ట్‌పైనే కథా నిర్మాణం ఉంటుందని తెలుస్తోంది. ఈ వార్తల ప్రకారం, ఈ సినిమా ‘మగధీర’ తరహాలో ఉంటుందనే అభిప్రాయం కలుగుతుంది. మరో విశేషమేమిటంటే, ఈ భారీ బడ్జెట్ చిత్రంలో మరో ప్రధాన పాత్ర కూడా ఉండనుంది.
అట్లీ, ఈ పాత్రకు రజనీకాంత్ లేదా కమల్ హాసన్‌ను ఎంపిక చేయాలని భావిస్తున్నట్లు తెలుస్తోంది. ఇది జరిగితే ఇండియన్ సినిమా చరిత్రలోనే అతిపెద్ద క్యాస్టింగ్ అవుతుందనడంలో సందేహం లేదు. ఈ మల్టీస్టారర్ సినిమా షూటింగ్ 2025లో ప్రారంభమవుతుందని అంచనా వేస్తున్నారు.
సల్మాన్ ఖాన్‌కి ఇది వేరే స్థాయి విజయం తెచ్చిపెట్టే ప్రాజెక్ట్ అవుతుందనడంలో ఎటువంటి సందేహం లేదు. అట్లీ తన సినిమాల్లో గ్రాండ్ విజువల్స్, హై వోల్టేజ్ ఎమోషన్స్, భారీ సన్నివేశాలతో ప్రేక్షకులను మెప్పిస్తాడు. అందుకే సల్మాన్ అభిమానులతో పాటు సినిమా ప్రేక్షకులంతా ఈ ప్రాజెక్ట్ కోసం ఎంతో ఆసక్తిగా ఎదురుచూస్తున్నారు.
