Bigg Boss 8 Telugu Elimination:
బిగ్ బాస్ తెలుగు 8 ప్రేక్షకులను ఉత్కంఠకు గురి చేస్తూ ముందుకు సాగుతోంది. ప్రేక్షకుల్ని ఆకట్టుకోవడానికి షో మేకర్స్ అన్ని ప్రయత్నాలు చేస్తున్నారు. ప్రతి వారం ఎలిమినేషన్ కోసం వేచిచూస్తున్న అభిమానులకు ఈ సారి పెద్ద షాక్ ఎదురైంది.
అనూహ్యంగా బుధవారం రాత్రి అందరూ నిద్రలో ఉన్న సమయంలో ఒక్కసారిగా సైరన్ మోగడంతో కంటెస్టెంట్లు ఉలిక్కిపడ్డారు. ఆ తర్వాత బిగ్ బాస్ హౌస్‌లో అనూహ్య ఎలిమినేషన్ ప్రకటించి అందరికీ షాక్ ఇచ్చారు. ఈ క్రమంలో అదిత్య ఓమ్ హౌస్ నుంచి బయటకు పంపించడం జరిగింది.
ముందుగా ప్రచారంలో ఉన్న కొన్ని వార్తలు ప్రకారం, ఎలిమినేట్ అయిన కంటెస్టెంట్‌ను సీక్రెట్ రూమ్‌కు పంపి మరొకసారి ఆటలోకి తీసుకువస్తారని భావించారు. కానీ తాజా సమాచారం ప్రకారం, అదిత్య ఓమ్ ఎలిమినేషన్ పర్మనెంట్ అని.. ఆయన మళ్లీ షోలోకి రారని స్పష్టత వచ్చింది. ఈ ఎపిసోడ్ గురువారం రాత్రి ప్రసారం కానుంది.
అదిత్య ఓమ్ ఎలిమినేషన్ తర్వాత, హౌస్‌లో ఇప్పుడున్న కంటెస్టెంట్ల సంఖ్య తొమ్మిదికి తగ్గింది. మిగిలిన కంటెస్టెంట్ల మధ్య పోటీ మరింత తీవ్రంగా మారే అవకాశం ఉంది. అందులో కూడా బిగ్ బాస్ నుంచి రాబోయే వైల్డ్ కార్డ్ ఎంట్రీలు ఆటను మరింత ఉత్కంఠభరితంగా మార్చనున్నాయి. ఈ వైల్డ్ కార్డ్ ఎంట్రీలు వచ్చే వీకెండ్‌లో షోలో ప్రవేశిస్తారని తెలుస్తోంది.
వైల్డ్ కార్డ్ ఎంట్రీలతో పాటుగా, ఈ సారి సీజన్‌లో కొత్త డ్రామా, సవాళ్లతో కూడిన టాస్కులు ప్రేక్షకులను మరింత ఆకట్టుకోవాలని షో మేకర్స్ భావిస్తున్నారు. ఈ ఎలిమినేషన్ అనంతరం ఎవరు గేమ్ ప్లాన్ మారుస్తారు, కొత్త ఎంట్రీలు ఎలా ఉంటాయి అనే విషయాల్లో అభిమానులు ఎదురుచూస్తున్నారు.
Read More: Bigg Boss 8 Telugu ద్వారా నాలుగు వారాలలో సోనియా ఎంత సంపాదించిందో తెలుసా?
