Tabu properties in Hyderabad:
టబు బాలీవుడ్‌లో దాదాపు నాలుగు దశాబ్దాలుగా వెలుగొందుతున్న ప్రముఖ నటి. ‘హమ్ సాథ్ సాథ్ హై’, ‘హెరా ఫేరి’, ‘అంధాదున్’ వంటి బ్లాక్ బస్టర్ చిత్రాల్లో ఆమె నటన ప్రేక్షకులను ఆకట్టుకుంది. టబు, బాలీవుడ్‌లో మాత్రమే కాకుండా తెలుగులో కూడా మంచి నటీమణిగా గుర్తింపు పొందింది. ఆమె తెలుగులో నటించిన హలో బ్రదర్, నిన్నే పెళ్ళడతా వంటి సినిమాలు కల్ట్ క్లాసిక్ లుగా నిలిచాయి.
టబు, బాలీవుడ్‌లో సూపర్‌ స్టార్‌గా ఎదిగినా, హైదరాబాద్ తో ఆమెకు ప్రత్యేకమైన బంధం ఉంది. ఈ నగరంలో ఆమె తన చిన్ననాటి రోజులను గడిపింది. మల్లేపల్లిలో తన అమ్మమ్మ, తాతయ్యలతో కలిసి నివసించడమే కాకుండా, విజయనగర్‌ కాలనీలో ఉన్న సెయింట్ ఆన్స్ హై స్కూల్‌లో తన చదువు పూర్తి చేసింది.
హైదరాబాద్ గురించి టబు ఎప్పుడూ ఎంతో ప్రేమగా మాట్లాడతారు. ఇక్కడ గడిపిన బాల్యం, స్నేహితులు, పాఠశాల రోజులు గురించి ఆమె ఎప్పుడూ చెప్పుకుంటూ ఉంటారు. “నేను ముందు హైదరాబాదీని, ఆ తర్వాత మాత్రమే బాలీవుడ్ నటిని” అని టబు తన అనేక ఇంటర్వ్యూలలో అంటూ ఉంటారు.
ఇటీవల టబు తన రియల్ ఎస్టేట్ ప్రయాణం గురించి ఓ ఇంటర్వ్యూలో మాట్లాడారు. ఆ ఇంటర్వ్యూలో, టబు నగరంలో వాణిజ్య స్థలాలు, బంగ్లాలు కలిగి ఉన్న విషయాన్ని ఇంటర్వ్యూవర్ ప్రస్తావించారు. “మీకు హైదరాబాద్‌లో కమర్షియల్ కాంప్లెక్స్ ఉంది, బంగ్లా కూడా ఉంది” అని చెప్పడం ఆమెను నవ్వుకొనేలా చేసింది. ఆమె ఆస్తుల గురించి క్లారిటీ ఇచ్చింది.
టబు హైదరాబాద్‌లోని జూబ్లీ హిల్స్‌ ప్రాంతంలో ఒక విలాసవంతమైన బంగ్లాకి ఓనర్. ఈ బంగ్లాను ఆమె 2000లలో కొనుగోలు చేసింది. టబు తన స్థిరాస్తి పెట్టుబడుల ప్రయాణాన్ని చర్చిస్తూ, తన కుటుంబ సభ్యులు, ముఖ్యంగా ఆమె సన్నిహితులు, రియల్ ఎస్టేట్ పెట్టుబడులు పెట్టడంలో ఆమెను ప్రేరేపించారని తెలిపింది. తన జీవితంలో రియల్ ఎస్టేట్ రంగంలో ఉన్న భాగస్వామ్యం గురించి టబు సరదాగా చెప్పింది, కానీ అదే సమయంలో ఈ రంగంలో తన ప్రయాణం ఎంతో శ్రమతో కూడుకున్నదని కూడా తెలిపింది.
టబు, భారతీయ చిత్ర పరిశ్రమలో మాత్రమే కాకుండా, అంతర్జాతీయ ప్రాజెక్టుల్లో కూడా నటిస్తూ, తన ప్రతిభను ప్రదర్శిస్తోంది. ప్రస్తుతం, ఆమె ‘Dune: Prophecy’ అనే సిరీస్‌లో కీలక పాత్ర పోషిస్తోంది. ఈ ప్రీక్వెల్ సిరీస్‌లో సిస్టర్ ఫ్రాన్సెస్ పాత్రలో కనిపించనుంది. ఈ ప్రాజెక్ట్‌ విడుదలకు ముందు విడుదలైన ట్రైలర్‌ ద్వారా టబు అభిమానుల అంచనాలు మరింత పెరిగాయి
Read More: Raayan సినిమా టీవీలో ఎప్పుడు చూడచ్చంటే!
