Prabhas Fauji Budget Details:
పాన్-ఇండియా స్టార్ ప్రభాస్, వరుసగా భారీ బడ్జెట్ సినిమాలు చేస్తూ సినీ ప్రేక్షకులను అలరిస్తున్నారు. తాజాగా ఆయన హను రాఘవపూడి దర్శకత్వంలో రూపొందుతున్న “ఫౌజీ” సినిమా షూట్ ప్రారంభించారు. ఈ సినిమా ప్రీ-ఇండిపెండెన్స్ కాలాన్ని నేపథ్యంగా చేసుకుని నిర్మించబడుతుంది. ఇందులో ప్రభాస్ ఒక సైనికుడి పాత్రలో కనిపించనున్నారు.
హను రాఘవపూడి గతంలో కూడా మంచి కథలను అందించారు. సూపర్ హిట్ సినిమాలు చేశారు. ఇప్పుడు “ఫౌజీ”లో అద్భుతమైన సెట్‌ల ద్వారా నిర్మించే పనిలో ఉన్నారు. ఈ చిత్రాన్ని నిర్మించేందుకు మేకర్స్ దాదాపు రూ.400 కోట్ల భారీ బడ్జెట్ కేటాయించారు. ప్రభాస్ మార్కెట్ కూడా భారీగా పెరుగుతున్న కారణంగా ఇంత భారీ బడ్జెట్ పెట్టుబడులు పెడుతున్నారు. ఇది ఒకరకంగా సాహసమే అయినా, ఈ సినిమాకు మంచి వసూళ్లు రాబట్టగల సత్తా ఉందని నిర్మాతలు నమ్ముతున్నారు.
Prabhas X Hanu film :- Fauji 🔥
Budget is going to be4️⃣0️⃣0️⃣crs 🥵🥵#fauji#PrabhasHanu #Prabhas pic.twitter.com/r2E8Oaob54— Cine Updatez (@Cine_Updatez_) November 6, 2024
ప్రభాస్ ఈ చిత్రంలో తన రెమ్యూనరేషన్‌ను కూడా పెంచినట్లు సమాచారం. మొత్తం సినిమా ఖర్చు రూ.400 కోట్లకు చేరుకుంటుంది. ఈ చిత్రంలో ఇమాన్వి ప్రధాన కథానాయికగా నటిస్తున్నారు. ప్రస్తుతం హైదరాబాదులో ఈ సినిమా షూటింగ్ జరుపుకుంటోంది. సంగీత దర్శకుడిగా విశాల్ చంద్రశేఖర్ బాధ్యతలు చేపట్టారు. ఈ భారీ ప్రాజెక్ట్‌ను మైత్రీ మూవీ మేకర్స్ నిర్మిస్తున్నారు.
ప్రభాస్ మరొక ప్రాజెక్ట్ “రాజా సాబ్” తో కూడా బిజీగా ఉన్నారు. మారుతి దర్శకత్వంలో కూడా షూటింగ్ చేస్తున్నారు. ఈ సినిమా 2025 సమ్మర్ లో విడుదల కానుంది. ప్రభాస్ సినిమా ప్రేమికులు “ఫౌజీ” సినిమా కోసం ఆసక్తిగా ఎదురు చూస్తున్నారు. భారీ బడ్జెట్, గ్రాండ్ సెట్స్ తో ప్రీ-ఇండిపెండెన్స్ కాలపు చరిత్రను ప్రదర్శించే ఈ చిత్రం ప్రభాస్ కెరీర్‌లో మరో మైలురాయిగా నిలిచే అవకాశముంది.
ALSO READ: NBK109 నిర్మాతకి భారీ నష్టం కలగడానికి కారణం అదేనా?
