Spirit Movie Update:
ప్రభాస్ తన కెరీర్‌లో వరుస విజయాలతో దూసుకెళ్తున్నారు. ఈమధ్యనే ప్రభాస్ హీరోగా వచ్చిన కల్కి 2898 ఏ.డి. బాక్సాఫీస్ వద్ద భారీ కలెక్షన్లతో సూపర్ హిట్‌గా నిలిచింది. ఈ సినిమా మరోసారి ప్రభాస్ బాక్సాఫీస్ కింగ్ అని నిరూపించింది.
ప్రభాస్ త్వరలో సందీప్ రెడ్డి వంగా దర్శకత్వంలో స్పిరిట్ అనే చిత్రంలో నటించనున్నారని అందరికీ తెలిసిందే. ఈ చిత్రం ఒక పోలీస్ డ్రామాగా రూపొందనుంది. తాజా సమాచారం ప్రకారం, ఈ సినిమాను 500 కోట్ల భారీ బడ్జెట్‌తో నిర్మించబోతున్నారట. సందీప్ రెడ్డి వంగా పెద్ద సినిమాలు తీయడంలో ప్రత్యేకత ఉన్న వ్యక్తి, అందుకే ప్రభాస్‌తో చేస్తున్న ఈ సినిమాలో భారీగా ఖర్చు పెడుతున్నారట.
స్పిరిట్ సినిమాను సందీప్ రెడ్డి వంగా టీ సిరీస్‌తో కలిసి నిర్మిస్తున్నారు. ఈ సినిమా కోసం అనిమల్ కంటే డబుల్‌ బడ్జెట్ కేటాయిస్తున్నారు. ఈ సినిమాలో ప్రభాస్ పోలీస్ పాత్రలో కనిపించనున్నారు. ఇప్పటికే అభిమానుల్లో సినిమా మీద భారీ అంచనాలు నెలకొన్నాయి.
స్పిరిట్ సినిమాలో ప్రముఖ సీనియర్ బాలీవుడ్ నటి కరీనా కపూర్ ఖాన్ ముఖ్య పాత్రకు సైన్ చేసినట్లు వార్తలు వినిపిస్తున్నాయి. అయితే, ఈ విషయంపై చిత్ర బృందం నుంచి అధికారిక ప్రకటన ఇంకా రావాల్సి ఉంది.
Read More: Devara ఓకే కానీ RRR కంటే కాదుగా అంటున్న ఫ్యాన్స్
కరీనా కపూర్ సౌత్ సినిమాల్లో ప్రవేశించడం ఆమె కెరీర్‌లో కీలక మలుపు అవుతుంది అని చెప్పవచ్చు. బాలీవుడ్‌లో ఆమె ఎప్పటినుండో నంబర్ 1 హీరోయిన్ గా ఉన్న సంగతి తెలిసిందే. మరొక ఆసక్తికరమైన విషయం ఏమిటంటే.. కరీనా భర్త సైఫ్ అలీ ఖాన్ కూడా స్పిరిట్ సినిమాలో విలన్ పాత్రలో కనిపించనున్నారనే వార్తలు వినిపిస్తున్నాయి. ఈ వార్తలు నిజమైతే, సినిమాపై అంచనాలు ఇంకా పెరిగిపోయాయి అని చెప్పుకోవచ్చు.
తాజా సమాచారం ప్రకారం, స్పిరిట్ సినిమా 2025 జనవరిలో సెట్స్‌ పైకి వెళ్లనుందని తెలుస్తోంది. ఈ సినిమా గ్లోబల్‌గా కూడా మంచి గుర్తింపు తెచ్చుకునే అవకాశం ఉంది. ఈ సినిమాతో ప్రభాస్ మరిన్ని రికార్డులు సృష్టించబోతున్నారని ఫ్యాన్స్ ఆల్రెడీ సోషల్ మీడియాలో కామెంట్స్ చేస్తున్నారు.
