త్రివిక్రమ్ శ్రీనివాస్.. మహేష్ బాబుతో 28వ సినిమా చేయ‌డానికి రెడీ అవుతున్నారు. వచ్చే ఏడాది విడుద‌ల కానున్న ఈ సినిమాకు సంబంధించి కొద్దిరోజులుగా అనేక వార్తలు వినిపిస్తున్నాయి. మ‌హేష్‌తో చేయ‌బోవు సినిమాలో త్రివిక్రమ్ గత చిత్రాలు మాదిరిగానే ఓ కీలకమైన లేడీ పాత్ర ఒకటి ఉంటుంది. ‘అత్తారింటికి దారేది’లో నదియా, ‘అజ్ఞాతవాసి’లో ఖుష్బు, రీసెంట్‌ సినిమా ‘అల వైకుంఠపురములో’లో టబు న‌టించింది. ఇక ఇప్పుడు మహేష్ చిత్రం కోసం బాలీవుడ్‌ బ్యూటీ శిల్పా శెట్టిని ఎంపిక చేశార‌ని వినికిడి. మరో కీలక పాత్ర సుమంత్‌కి ఇచ్చిన‌ట్టు తెలుస్తుంది. సుమంత్ పాత్ర చాలా వైవిధ్యంగా ఉంటుంద‌ని టాక్. హారిక అండ్ హాసిని క్రియేష‌న్స్ నిర్మించ‌నున్న ఈ చిత్రంలో పూజా హెగ్డే, కియారా అద్వాని హీరోయిన్‌లుగా నటిస్తున్నారనే వార్తలు వినిపిస్తున్నాయి. ఈ మూవీ వచ్చే ఏడాది సమ్మర్‌లో ప్రేక్షకుల ముందుకు తీసుకురావాలని దర్శకుడు ప్లాన్‌ చేస్తున్నారట
మహేష్- త్రివిక్రమ్ సినిమాలో బాలీవుడ్‌ బ్యూటీ!
