Sharwanand Next Movie:
హీరో శర్వానంద్ ఈ మధ్యనే మనమే సినిమాతో మంచి హిట్ అందుకున్నారు. ఆసక్తికరమైన కథతో ప్రేక్షకులు ముందుకి వచ్చిన ఈ సినిమా బాగానే వర్కౌట్ అయింది. బాక్స్ ఆఫీస్ వద్ద మంచి హిట్ అయిన ఈ సినిమా ఆగస్టు 16 నుంచి అమెజాన్ ప్రైమ్ లో స్ట్రీమ్ కాబోతోంది. ఈ విషయాన్ని పక్కన పెట్టేస్తే శర్వానంద్ చేతిలో ఇప్పుడు బోలెడు ఆసక్తికరమైన ప్రాజెక్టులు ఉన్నాయి.
అందులో అభిలాష్ రెడ్డి దర్శకత్వంలో శర్వానంద్ హీరోగా చేస్తున్న సినిమా కూడా ఒకటి. బైక్ రైడర్ కాన్సెప్ట్ తో ఈ సినిమా త్వరలో ప్రేక్షకుల మందికి రాబోతోంది. దీనికి రేస్ రాజా అనే ఆసక్తికరమైన టైటిల్ ను అనుకుంటున్నట్లు.. వార్తలు వినిపిస్తున్నాయి. కానీ దీనికి సంబంధించిన అధికారిక ప్రకటన ఇంకా వెలువడలేదు. గతంలో రన్ రాజా రన్, ఎక్స్ప్రెస్ రాజా వంటి సినిమాలతో హిట్స్ అందుకున్న శర్వానంద్ మళ్ళీ అదే సెంటిమెంట్ ఇక్కడ రిపీట్ చేస్తున్నట్లు తెలుస్తోంది. మాళవిక నాయర్ ఈ సినిమాలో హీరోయిన్ గా నటిస్తోంది.
ఈ సినిమా కాకుండా శర్వానంద్ సంపత్ నంది దర్శకత్వంలో కూడా ఒక సినిమా చేస్తున్నారు. అంతేకాకుండా సామజవరగమన ఫేమ్ రామ్ అబ్బరాజు దర్శకత్వంలో కూడా ఒక సినిమాకి గ్రీన్ సిగ్నల్ ఇచ్చారు. తాజాగా ఈ సినిమా కథ గురించి ఒక ఆసక్తికరమైన అప్డేట్ ఇప్పుడు అందరి దృష్టిని ఆకర్షిస్తుంది. ఈ సినిమా విడాకులు అనే కాన్సెప్ట్ మీద నడుస్తున్నట్లు తెలుస్తోంది. ఈ సినిమా కథ మొత్తం విడాకులు నేపథ్యంలో ఒక కోర్ట్ రూమ్ డ్రామాలాగా సాగుతుందట. విడాకుల నేపథ్యంలో కథ చాలా పాత కాన్సెప్ట్ అయినప్పటికీ.. ఫ్రెష్ కంటెంట్ తో కథని ప్రేక్షకులు ముందుకు తీసుకు వస్తున్నట్లు తెలుస్తోంది.
స్టార్ హీరోల నుంచి సీనియర్ హీరోలు దాకా ఇప్పటికే చాలామంది హీరోలు విడాకుల కాన్సెప్ట్ మీద సినిమాలు తీశారు. అందులో కొన్ని బాగానే వర్కౌట్ అయ్యాయి. మరి శర్వానంద్ కి విడకుల కాన్సెప్ట్ ఎంతవరకు వర్కౌట్ అవుతుందో వేసి చూడాలి. సంయుక్త మీనన్, సాక్షి వైద్య ఈ సినిమాలో హీరోయిన్లుగా నటిస్తున్నారు. ఈ సినిమాకి సంబంధించిన షూటింగ్ జరుగుతుంది.
