టాలీవుడ్‌ స్టార్ హీరోయిన్‌ సమంత ప్రధానమైన పాత్రలో నటించిన చిత్రం శాకుంతలం. ఈ సినిమాలో దుష్యంతుడిగా మలయాళ నటుడు దేవ్ మోహన్ కనిపించనున్నాడు. ఇటీవల ఈ సినిమా నుంచి ఐదు భాషల్లో వదిలిన ఫస్టు సింగిల్ కి అనూహ్యమైన రెస్పాన్స్ వచ్చింది.
ఈ నేపథ్యంలో సెకండ్ సింగిల్ ‘రుషి వనములోన’ సాంగ్ ను కూడా ఐదు భాషల్లో రిలీజ్ చేయడానికి ఈ సినిమా టీమ్ డేట్ ఫిక్స్ చేసింది. ఈ నెల 25వ తేదీన ఈ సాంగ్ ను రిలీజ్ చేయనున్నారు. మణిశర్మ ఈ సినిమాకి సంగీతాన్ని అందించారు. మోహన్ బాబు, ప్రకాశ్ రాజ్, గౌతమి ముఖ్యమైన పాత్రలను పోషించిన ఈ సినిమాను , వచ్చేనెల 17వ తేదీన విడుదల చేయనున్నారు.
