Fauji Update:
యంగ్ రెబల్ స్టార్ ప్రభాస్ చేతిలో ఇప్పుడు బోలెడు ఆసక్తికరమైన ప్రాజెక్టులు ఉన్నాయి. అందులో ఒకటి Fauji. తన కెరియర్ లో మొట్టమొదటిసారిగా ప్రభాస్ ఈ సినిమాలో ఒక సైనికుడి పాత్రలో కనిపించబోతున్నారు. అందుకే ఈ సినిమా మీద భారీ అంచనాలు నెలకొన్నాయి.
మిలిటరీ బ్యాక్ డ్రాప్ లో సాగే ఒక అందమైన ప్రేమ కథగా ఈ చిత్రం ప్రేక్షకులు ముందుకి రాబోతోంది. అందాల రాక్షసి, పడి పడి లేచే మనసు, సీతారామం వంటి మనసుకు హత్తుకునే విధంగా ఉండే ప్రేమ కథలు తీయడంలో దిట్ట అయిన హను రాఘవపూడి ఈ సినిమాకి దర్శకత్వం వహిస్తున్నారు. ఇమాన్ ఇస్మాయిల్ అనే ఒక కొత్త అమ్మాయి ఈ సినిమాతో హీరోయిన్ గా పరిచయం కాబోతోంది.
తాజాగా ఈ సినిమా కాస్టింగ్ గురించిన ఆసక్తికరమైన వార్త ఇప్పుడు సోషల్ మీడియాలో అందరి దృష్టిని ఆకర్షిస్తోంది. ప్రముఖ బాలీవుడ్ నటుడు మిథున్ చక్రబొర్తి ఈ సినిమాలో ప్రభాస్ తండ్రి పాత్రలో కనిపించబోతున్నారు. లెజెండరీ నటి జయప్రద ఈ సినిమాలో ప్రభాస్ తల్లి పాత్రలో కనిపించనున్నారు.
బాలీవుడ్ లో ఎన్నో సినిమాలలో నటించిన మిథున్ చక్రబొర్తి తెలుగులో పవన్ కళ్యాణ్, వెంకటేష్ నటించిన గోపాల గోపాల సినిమాలో కనిపించారు. మళ్లీ ఇప్పుడు ప్రభాస్ సినిమాలో తండ్రి పాత్రలో కనిపించనున్నారు. ఈ వార్త ఇప్పుడు నెట్ లో అందరి దృష్టిని ఆకట్టుకుంటోంది.
ఇక ఈ సినిమా కథ మొత్తం స్వాతంత్రానికి ముందు అంటే ప్రీ ఇండిపెండెన్స్ బ్యాక్ డ్రాప్ లో సాగుతుంది. ఈ సినిమాకి సంబంధించిన మొట్టమొదటి షూటింగ్ షెడ్యూల్ సెప్టెంబర్ 15 నుంచి మొదలు కాబోతోంది. ఈ సినిమా గురించిన మరిన్ని వివరాలు త్వరలో తెలియనున్నాయి.
