Bigg Boss 8 Telugu Highlights:
బిగ్ బాస్ తాజా ఎపిసోడ్‌లో దివాళి పండుగ తర్వాత నాగార్జున శనివారం ఎపిసోడ్‌లో శుక్రవారం జరిగిన సంఘటనలను వీడియోలో చూపించారు. ఆ రోజు అవినాష్ తనదైన హాస్యశైలిలో నిబంధనలు ఉల్లంఘించిన నబీల్, యష్మి, ప్రుధ్వి, నిఖిల్‌ను శిక్షించాడు. తర్వాత నాగార్జున హౌస్‌మేట్స్‌తో మాట్లాడి, వారు చేసిన కొన్ని తప్పులను ఎత్తిచూపి మందలించారు.
ఇందులో ప్రేరణ మీద ప్రత్యేకంగా దృష్టి పెట్టి, ఆమె నయని, నిఖిల్ పై మాట్లాడిన మాటల విషయంలో ఆమెను తప్పుబట్టారు. దీని వల్ల ఆమె అభిమానులు కొంత అసంతృప్తిగా ఉన్నారు. ఈ వారం ఆమె పెద్ద తప్పు చేయకపోయినా ఇలా మందలించడం వారికి ఆశ్చర్యం కలిగించింది.
గత వారంలో హైపర్ ఆది కూడా ఆమె ఆటను మెచ్చుకున్నాడు. కానీ ఇప్పుడు విమర్శలు రావడం ఆమె అభిమానులకు నిరాశ కలిగించింది. గౌతమ్ విషయంలో కూడా ఇదే జరిగింది. అతను నిఖిల్‌తో జరిగిన వివాదం కారణంగా విమర్శలు ఎదుర్కొన్నాడు. గత కొన్ని రోజులుగా గౌతమ్ ఆటను చూసి ప్రేక్షకులు ఆసక్తి చూపుతున్నారు. కానీ ఇప్పుడు వచ్చిన విమర్శలు ఫ్యాన్స్ కి కూడా నిరాశ కలిగించాయి.
ఇక నిఖిల్ విషయానికి వస్తే, ఈ వారం అతను కఠినంగా ప్రవర్తించినప్పటికీ, నాగార్జున అతనిని ఎక్కువగా మందలించలేదు. దీని వల్ల కొందరు అభిమానులు నాగార్జున అతనికి బాగా సపోర్ట్ ఇస్తున్నారని భావిస్తున్నారు. అయితే, అతన్ని ప్రత్యేకంగా ప్రశంసించడం, అతని టీం సభ్యులైన అవినాష్, హరి తేజలను అలాగే ప్రోత్సహించకపోవడం కొంతమందికి నిరాశ కలిగించింది.
