ఈరోజు టాలీవుడ్‌ నటుడు సత్యదేవ్ పుట్టిన రోజు సందర్భంగా.. ఆయన నటిస్తున్న కొత్త సినిమా పోస్టర్‌లను విడుదల చేశారు. ఇందులో ఒకటి ఈశ్వర్ కార్తీక్ దర్శకత్వం వస్తున్న ‘జీబ్రా’. ఈ సినిమా నుండి విడుదలైన పోస్టర్ లో ఆయన చాలా స్టైలిష్ గా కనిపిస్తున్నారు. ప్రియా భవానీ శంకర్, జెనిఫర్ పిచినెటో ఈ సినిమాలో హీరోయిన్‌లుగా నటిస్తున్నారు. వెటరన్ యాక్టర్ సత్యరాజ్ ఈ సినిమాలో కీలక పాత్రలో నటిస్తున్నారు.
మరో వైపు ‘ఫుల్ బాటిల్’ కాగా ఈ పోస్టర్ కూడా విడుదల చేశారు. దీంట్లో ఆయన ఫుల్ బాటిల్ తాగుతున్నట్లు సత్యదేవ్ కనిపించాడు. ఈ సినిమాలో మెర్క్యురీ సూరీ అనే మాస్ ఆటో డ్రైవర్ పాత్రలో సత్యదేవ్ నటించాడు. ఈ మూవీ టీజర్ ని కొద్ది రోజుల క్రితం విడుదల చేశారు. అందులో ఆయన బాలయ్య బాబు ఫ్యాన్ గా నటించారు. ఈ టీజర్ నెటిజన్లను బాగా ఆకట్టుకుంది. ఇప్పటికే షూటింగ్ పూర్తిచేసుకున్న ఈ సినిమా పోస్ట్ ప్రొడక్షన్ పనులు జరుపుకుని విడుదలకు సిద్ధంగా ఉంది.
