సూపర్‌ స్టార్‌ మహేష్ బాబు తాజాగా పరశురామ్ దర్శకత్వంలో ‘సర్కారు వారి పాట’ అనే సినిమాను ప్రకటించిన సంగతి తెలిసిందే. అంతేకాదు ఈ సందర్భంగా రిలీజ్ చేసిన ప్రీ లుక్ పోస్టర్‌కు సోషల్ మీడియాలో వైరల్ అయింది. ఈ సినిమాను డైరెక్టర్‌ పరశురామ్ ప్యాన్ ఇండియా స్థాయిలో తెరకెక్కించాలనే ఆలోచనలో ఉన్నాడు. ఇండియన్ బ్యాంకింగ్ వ్యవస్థను కదిలించిన భారీ కుంభకోణాల చుట్టూ ఈ సినిమా కథ ఉండనుందని తెలుస్తోంది. ఈ సినిమాలో మహేష్ ఒక బ్యాంక్ మేనేజర్ కొడుకు పాత్రను పోషిస్తున్నట్లు సమాచారం. ఈ సినిమా కోసం ఒక భారీ బ్యాంకు సెట్‌ను రెడీ చేస్తున్నారు. హైదరాబాద్‌కు చెందిన ఓ స్టూడియోలో ఈ బ్యాంక్ సెట్‌ను రెడీ చేసే పనిలో చిత్ర యూనిట్ ఉందట. ఈ చిత్రంలో హీరోయిన్‌గా కీర్తి సురేష్ నటిస్తోంది. ఈ సినిమాలో విలన్ పాత్ర కోసం సుదీప్‌తో పాటు ఉపేంద్ర పేర్లు పరిశీలిస్తున్నారు. ఫైనల్‌గా వీళ్లిద్దరిలో ఎవరో ఒకరు చేయడం మాత్రం ఖాయం అంటున్నారు.
‘సర్కారు వారి పాట’ కోసం హైదరాబాద్‌లో భారీ సెట్‌..
