హృదయ కాలేయంతో తెరంగేట్రం చేసిన నటుడు సంపూర్ణేష్ బాబు బర్నింగ్ స్టార్‌గా పేరుతెచ్చుకున్నాడు. తనదైన కామెడీతో ప్రేక్షకులను నవ్విస్తున్న సంపూర్ణేష్ బాబు విభిన్న కథలతో వరుస సినిమాలు చేస్తున్నాడు. తాజాగా సంపూర్ణేష్ బాబు ప్రధాన పాత్రలో ‘బజార్ రౌడీ’ సినిమా తెరకెక్కుతోంది. ఈ చిత్రానికి వసంత నాగేశ్వరరావు దర్శకత్వం వహిస్తున్నారు. షాయాజీ షిండే, నాగినీడు, 30 ఇయర్స్ ఇండస్ట్రీ పృథ్వీ, కత్తి మహేష్ ఇతర పాత్రలు పోషిస్తున్నారు. ఈ సినిమాకు సంబంధించిన టీజర్‌ను చిత్రబృందం విడుదల చేసింది. సంపూర్ణేష్ బాబు డైలాగ్స్ ఆకట్టుకుంటున్నాయి. రౌడీయిజం చెయ్యాలంటే జీపు.. అందులో పెట్రోలు, దానిలో రౌడీలు కాదురా.. దమ్ము కావాలి అంటున్నాడు సంపూ. ఈ సినిమాలో సంపూ సరసన ముగ్గురు హీరోయిన్లు నటిస్తున్నారు. ఈ సినిమాను సమ్మర్‌లో విడుదల చేసేందుకు సన్నాహాలు చేస్తున్నారు.
సంపూర్ణేష్ బాబు బజార్ రౌడీ టీజర్ విడుదల
