టాలీవుడ్‌ నటుడు బర్నింగ్‌ స్టార్‌ సంపూర్ణేష్ బాబు హీరోగా నటిస్తున్న చిత్రం ‘బజార్ రౌడీ’. కె.ఎస్ క్రియేషన్స్ పతాకంపై బోడెంపూడి కిరణ్ కుమార్ సమర్పణలో వసంత నాగేశ్వరరావు తెరకెక్కిస్తున్న ఈ సినిమాను సంధిరెడ్డి శ్రీనివాసరావు నిర్మిస్తున్నారు. ఇటీవల విడుదల చేసిన ఈ సినిమా ఫస్ట్ లుక్ తో పాటు టీజర్ కు కూడా అమోఘమైన స్పందన లభించింది. మరోసారి పూర్తి మాస్ క్యారెక్టర్ లో సంపూర్ణేష్ బాబు కనిపించనున్న ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ వర్క్ జరుపుకుంటోంది. మరుధూరి రాజా మాటలు రాసిన ఈ సినిమాకు గౌతంరాజు ఎడిటింగ్ చేశారు. ఏ విజయ్ కుమార్ సినిమాటోగ్రాఫర్ గా పని చేశారు. ఈ సినిమాను ఈ నెలాఖరులో విడుదల చేస్తామంటున్నారు దర్శకనిర్మాతలు. దీనికి సంబంధించిన మరిన్ని వివరాలను తెలిపేందుకు త్వరలోనే ఓ మీడియా సమావేశాన్ని ఏర్పాటు చేయనున్నట్లుగా మేకర్స్‌ ప్రకటించారు.
