అల్లు అర్జున్ నటించిన తాజా చిత్రం ‘పుష్ప’. ఈ సినిమాలో స్టార్ హీరోయిన్ సమంత ఐటమ్ సాంగ్ చేస్తున్న సంగతి తెలిసిందే. ఈ పాటను గంట ముందే రిలీజ్ చేసి ఐకాన్ స్టార్ ఫ్యాన్స్ మనసుల్ని దోచుకుంది మైత్రీ మూవీ మేకర్స్ బృందం. సుకుమార్ డైరెక్షన్ వస్తున్న ఈ సినిమాకి దేవిశ్రీ ప్రసాద్ సంగీతం అందిస్తున్నారు. భారీ అంచనాల మధ్య సమంత ఐటమ్ సాంగ్ ను మేకర్స్ పిక్చరైజ్ చేశారనిపిస్తోంది.
ఎర్రచందనం సిండికేట్ సభ్యులకు దాని లీడర్ మంగళం శీను ఇచ్చే పార్టీలో ఈ ఐటమ్ సాంగ్ వస్తుందని అంటున్నారు. ఇందులో హీరో అల్లు అర్జున్ తో పాటు విలన్ గా నటించిన సునీల్, అజయ్ ఘోష్, మరికొందరు నటులూ కనిపిస్తారట. మగాళ్ళ మెంటాలిటీని తెలియచేస్తూ చంద్రబోస్ అద్భుతంగా ఈ పాట రాశారు.
‘ఊ అంటావా మామా వూవూ అంటావా మావా’ అని సాగే ఈ పాట ఆకట్టుకుంటుంది. ఈ ఐటమ్ సాంగ్ ను ఇంద్రావతి చౌహాన్ అనే గాయనితో ఏరి కోరి సుక్కు-దేవిశ్రీ పాడించారు. అలానే తమిళంలో పాపులర్ సింగర్, యాక్ట్రస్ ఆండ్రియా ఈ పాటను పాడింది. స్టార్ హీరోయిన్ సమంత తో స్టార్ కొరియోగ్రాఫర్ గణేశ్‌ ఆచార్య అదిరిపోయే మూమెంట్స్ ఇప్పించారు.
