Salaar- 2: సంచలన దర్శకుడు ప్రశాంత్ నీల్ వరుస సినిమాలతో బిజీగా ఉన్నాడు. తాజాగా ప్రభాస్ ‘సలార్ పార్ట్ 1- సీజ్ఫైర్’తో బ్లాక్బస్టర్ హిట్ అందుకున్న ఆయన దీని సీక్వెల్ ‘శౌర్యంగ పర్వం’పై దృష్టి పెట్టాడు. ఏప్రిల్లో షూటింగ్ ప్రారంభమైందని, 2025లో ఈ సినిమా ప్రేక్షకుల ముందుకు రానున్నట్లు వార్తలు వచ్చాయి.
తాజా సమాచారం ప్రకారం.. ప్రశాంత్ నీల్ తన నిర్ణయం మార్చుకున్నట్లు తెలుస్తోంది. ఆయన లైనప్ ప్రకారం ముందుగా తెరకెక్కించాల్సిన ‘సలార్- 2’ కు బ్రేక్ ఇవ్వనున్నట్లు సమాచారం. ఈ సినిమాను పోస్ట్పోన్ చేసి జూనియర్ ఎన్టీఆర్ సినిమాపై ఫోకస్ పెట్టాలని ఫిక్స్‌ అయ్యారట. ఈ నేపథ్యంలో ‘సలార్- 2’కు బ్రేక్ ఇచ్చి, ‘ఎన్టీఆర్ 31’ ప్రాజెక్ట్ను ముందుకు తీసుకురానున్నారని ప్రచారం సాగుతోంది.
అయితే ఇది ఎంతవరకు నిజమో తెలియాలంటే సలార్ టీమ్ స్పందించాల్సి ఉంది. అయితే ఎన్టీఆర్- ప్రశాంత్ నీల్ సినిమా ఇప్పటికే ఫిక్స్‌ అయిన సంగతి తెలిసిందే. ఈ సినిమా ఎన్టీఆర్ 31 వర్కింగ్ టైటిల్తో తెరకెక్కనుంది. ఇక సినిమా నుంచి ఇప్పటికే ఓ పోస్టర్ కూడా రిలీజైంది. 2024 మార్చిలో షూటింగ్ ప్రారంభమౌతుందని గతంలో చెప్పారు.
కానీ, ఆ పోస్టర్ మినహా ఈ ప్రాజెక్ట్ గురించి ఎలాంటి అప్డేట్ రాలేదు. చూడాలి మరి ప్రశాంత్ సలార్- 2 కంటిన్యూ చేస్తారా? లేదా అది పోస్ట్పోన్ చేసి ఎన్టీఆర్ ప్రాజెక్ట్ పట్టాలెక్కిస్తారా? దీనిపై త్వరలో ఓ క్లారిటీ వచ్చే ఛాన్స్ ఉంది. కాగా రెబల్ స్టార్ ప్రభాస్ కూడా వరుస ప్రాజెక్ట్లు లైన్లో పెట్టారు. ప్రస్తుతం ఆయన నాగ్ అశ్విన్ డైరెక్షన్ చేస్తున్న ‘కల్కి AD 2898’ సినిమాతో బిజీగా ఉన్నారు.
ఈ మూవీ దాదాపు షూటింగ్ దాదాపు పూరైంది. త్వరలోనే కల్కి థియేటర్లలో సందడి చేయనుంది. దీని తర్వాత మారుతి ‘రాజాసాబ్’, సందీప్ రెడ్డి వంగ దర్శకత్వంలో ప్రభాస్ ‘స్పిరిట్’ చేయనునున్నారు. అటు జూనియర్ ఎన్టీఆర్ కూడా ‘దేవర పార్ట్- 1’, ‘వార్- 2’ ప్రాజెక్ట్లతో బిజీగా ఉంటున్నారు.
