మెగాస్టార్ చిరంజీవి నటించిన తాజా చిత్రం ‘సైరా’. ఈ సినిమాకి ప్రముఖ దర్శకుడు సురేందర్ రెడ్డి దర్శకత్వం వహించారు. మెగా పవర్‌ స్టార్ రామ్ చరణ్ తేజ్ ఈ సినిమాను నిర్మిస్తున్నారు. ఈ సినిమాను తెలుగు, తమిళం, మలయాళం, కన్నడ,హిందీ భాషల్లో విడుదల చేసేందుకు ఏర్పాట్లు జరిగాయి. ఈ సినిమాను అక్టోబర్ 2న విడుదల చేయాలని ముందుగా నిర్ణయించారు.
అయితే ఇదే తేదీన హృతిక్ రోషన్, టైగర్ ష్రాఫ్ నటించిన బాలీవుడ్ సినిమా ‘వార్’ భారీ స్థాయిలో విడుదలతోంది. దీంతో బాలీవుడ్ లో ‘సైరా’ కు థియేటర్స్ దొరకడం కష్టంగా మారిందట. ఈ క్రమంలో వారం రోజుల పాటు ‘సైరా సినిమా విడుదలను వాయిదా వేయాలని బాలీవుడ్ డిస్ట్రిబ్యూటర్లు నిర్మాత రామ్ చరణ్ ను కోరారట. దసరా సెలవులు కూడా కలిసొస్తాయని, అందుకే అక్టోబర్ 8న ‘సైరా’ను విడుదల చేయాలని నిర్ణయం తీసుకున్నట్టు వార్తలు వినిపిస్తున్నాయి. ‘సైరా’ విడుదల వాయిదాపై అఫీషియల్ ప్రకటనలు అయితే ఇంకా వెలువడలేదు.
