వెంకటేశ్ హీరోగా నటిస్తున్న తాజా చిత్రం ‘సైంధవ్’. వెంకట్ బోయనపల్లి నిర్మిస్తున్న ఈ సినిమాకి శైలేశ్ కొలను దర్శకత్వం వహిస్తున్నాడు. టైటిల్ లో .. వెంకటేశ్ ఫస్టులుక్ తో ఈ సినిమా అందరిలో ఆసక్తిని పెంచింది. అలాంటి ఈ సినిమా తాజాగా రిలీజ్ డేట్ సెట్ చేసుకుంది.
ఈ సినిమాను సంక్రాంతి కానుకగా జనవరి 13వ తేదీన విడుదల చేయనున్నట్టు తెలియజేస్తూ.. అధికారిక పోస్టర్ ను రిలీజ్ చేశారు. కెరియర్ పరంగా వెంకటేశ్ కి ఇది 75వ సినిమా, ఈ సినిమాలో నవాజుద్దీన్ సిద్ధికీ విలన్‌గా నటిస్తున్నాడు. ఇతర ముఖ్యమైన పాత్రలలో శ్రద్ధ శ్రీనాథ్ .. రుహాని శర్మ .. ఆర్య కనిపించనున్నారు. సంతోష్ నారాయణ్ సంగీతాన్ని అందించిన ఈ సినిమాపై భారీ అంచనాలు ఉన్నాయి.
