విక్టరీ వెంకటేష్ హీరోగా సైలేష్ కొలను డైరెక్షన్‌లో వస్తున్న చిత్రం ‘సైంధవ్‌’. ఈరోజు వినాయక చవితి సందర్భంగా ఈ సినిమా నుండి ఫ్యామిలీ పోస్టర్‌ను రిలీజ్‌ చేశారు. హీరోయిన్‌ శ్రద్ధా శ్రీనాథ్‌, ఓ చిన్న పాపతో కలిసి వెంకటేష్ బీచ్‌ ఒడ్డున కూర్చుని నవ్వుతున్న ఫోటోను మేకర్స్‌ రిలీజ్‌ చేశారు.
ప్రస్తుతం ఈ సినిమా షూటింగ్ శ్రీలంకలో జరుగుతుంది. అక్కడ భారీ యాక్షన్‌ సీన్స్‌తో పాటు కొంత టాకీ పార్టును కూడా చిత్రీకరించనున్నారట. సస్పెన్స్‌ థ్రిల్లర్‌ నేపథ్యంలో తెరకెక్కుతున్న ఈ సినిమాలో చాలా సర్‌ప్రైజ్‌లు ఉండబోతున్నాయని టాక్. ముఖ్యంగా ఈ సినిమాలో బ్లాక్‌ మేజిక్‌ కీలక పాత్ర పోషించనుందట.
ఇదే కాన్సెప్ట్‌కు బలమైన డాటర్ సెంటిమెంట్‌ను జోడించి ఆసక్తికర కథగా సైలేష్ ఈ చిత్రాన్ని మలిచాడని తెలుస్తుంది. సంతోష్ నారాయణ్ సంగీతం అందిస్తున్న ఈ సినిమాను నిహారిక ఎంటర్‌టైనమెంట్స్‌ బ్యానర్‌ రూపొందిస్తుంది.
