టాలీవుడ్‌ లో శేఖర్ కమ్ముల సినిమా ‘ఫిదా’తో ఎంట్రీ ఇచ్చిన బ్యూటీ సాయి. తాజాగా సాయి పల్లవి కొరియోగ్రాఫర్‌గా మారనున్నట్లు తెలుస్తుంది. ఇప్పుడు మరోసారి ఆయన దర్శకత్వంలోనే నాగ చైతన్య హీరోగా ‘లవ్ స్టోరీ’ సినిమాలో నటిస్తోంది. ప్రస్తుతం ఈ సినిమా షూటింగ్ లాక్‌డౌన్ కారణంగా వాయిదా పడింది. ఇందులోని కొన్ని ముఖ్యమైన సీన్లతో పాటుగా ఓ పాట కూడా షూట్ చేయాల్సి ఉందట. అయితే సాయి పల్లవి ఎంత మంచి డ్యాన్సరో అందరికి తెలిసిందే. ‘ఫిదా’ అలాగే ‘మారి-2’ సినిమాలో తాను చేసిన డాన్స్ తో ప్రేక్షకుల గుండెల్లో మంచి గుర్తింపు తెచ్చుకుంది. అందువల్ల శేఖర్ కమ్ముల తన సినిమాలో మిగిలి ఉన్న ఆ ఒక పాటను కొరియోగ్రఫీ చేయమని పల్లవికి చెప్పాడట! ఇక స్వతహాగా డాన్సర్‌ అయిన సాయి పల్లవి కూడా వచ్చిన అవకాశాన్ని వదులుకోకుండా ఓకే చెప్పేసిందట! అంటే ఈ సినిమాలో సాయి పల్లవి నాగ చైతన్య ని ఆడించనుందన్న మాట.
