తనదైన నటనతో ప్రేక్షకులను మెప్పించిన బ్యూటీ సాయిపల్లవి. తన సహజమైన నటనతో ఎంతగానో ఆకట్టుకుంది ఈ నేచురల్‌ బ్యూటీ. తమిళంలోనే కాకుండా, ‘ఫిదా’ .. ‘లవ్ స్టోరీ’ వంటి సినిమాలతో తెలుగులోను స్టార్ హీరోయిన్ గా మారిపోయింది.
ఇక ఇప్పుడు సాయిపల్లవి చెల్లెలు పూజ కన్నన్ హీరోయిన్‌గా ఎంట్రీ ఇస్తోంది. అదీ ఒక తమిళ సినిమా ద్వారా. యాక్షన్ కొరియోగ్రఫర్ గా మంచి పేరు తెచ్చుకున్న ‘సిల్వా’ .. దర్శకుడిగా ‘చితిరై సెవ్వానం’ అనే సినిమాను రూపొందించాడు. తండ్రీకూతుళ్ల అనుబంధం చుట్టూ ఈ కథ నడుస్తుంది.
ఈ సినిమాలో తండ్రి పాత్రలో సముద్రఖని .. కూతురు పాత్రలో పూజ కన్నన్ కనిపించనున్నారు. అమృత స్టూడియోస్ వారు ఈ సినిమాను నిర్మించారు. జీ 5 తమిళంలో ఈ సినిమా డిసెంబర్ 3వ తేదీ నుంచి స్ట్రీమింగ్ కానుంది. సామ్ సీఎస్ సంగీతాన్ని అందించిన ఈ సినిమాతో, సాయిపల్లవి మాదిరిగానే పూజ కన్నన్ దూసుకుపోతుందేమో చూడాలి.
