అక్కినేని నాగచైతన్య హీరో -చందూ మొండేటి డైరెక్షన్‌లో వస్తున్న చిత్రం ‘తండేల్‌’. నాగచైతన్య-చందూ మొండేటి కాంబోలో రాబోతున్న మూడో సినిమా ఇది. చైతు 23వ మూవీగా తెరకెక్కుతుంది. ఈ సినిమాలో సాయిపల్లవి హీరోయిన్‌గా నటిస్తుంది. ఇప్పటికే ఈ సినిమా నుండి విడుదలైన ఫస్ట్ లుక్‌ పోస్టర్‌లో చైతూ మాస్ లుక్‌లో నెటిజన్లను ఆకట్టుకుంది. తాజాగా సాయిపల్లవి పాత్రను పరిచయం చేశారు మేకర్స్‌. ఇందులో సత్యగా కనిపించనుంది సాయిపల్లవి.
తండేల్‌లో సత్యగా సాయిపల్లవి ఆశ్చర్యపరచబోతుంది. జనవరి 5న సాయంత్రం 5 గంటలకు రాబోతుంది.. అంటూ వీడియో విడుదల చేశారు. ఇప్పుడీ వీడియో సోషల్‌ మీడియాలో వైరల్ అవుతోంది. ఈ సినిమా ఫస్ట్ షెడ్యూల్ మొదలైంది. నాగచైతన్య, ఇతర నటీనటులపై వచ్చే సన్నివేశాలను ఈ షెడ్యూల్‌లో చిత్రీకరిస్తున్నట్టు సమాచారం.
తండేల్‌ లవ్‌స్టోరీ తర్వాత చైతూ, సాయిపల్లవి కాంబోలో వస్తున్న సినిమా కావడంతో అంచనాలు భారీగానే ఉన్నాయి. ఈ అంచనాలకు ఏ మాత్రం తగ్గకుండా ఉండబోతుందని సాయిపల్లవి ఇంట్రో లుక్‌ చెప్పకనే చెబుతోంది. ఈ చిత్రంలో సాయిపల్లవి శ్రీకాకుళం అమ్మాయిగా కనిపించనుంది. శ్రీకాకుళం యాసలో పక్కా పల్లెటూరి పిల్లగా అలరించబోతున్నట్టు సమాచారం.
2018లో గుజరాత్‌ జరిగిన వాస్తవ ఘటనల ఆధారంగా తెరకెక్కుతున్న ఈ సినిమా చైతూ కెరీర్‌లోనే రూ.70 కోట్ల భారీ బడ్జెట్‌తో తెరకెక్కుతోంది. ఈ మూవీకి అనిరుధ్‌ రవిచందర్‌ మ్యూజిక్‌, బ్యాక్‌గ్రౌండ్ స్కోర్ అందిస్తున్నాడు. గీతాఆర్ట్స్‌పై అల్లు అరవింద్ సమర్పణలో బన్నీవాసు నిర్మిస్తున్నారు.
.@Sai_Pallavi92 as Satya will amaze you in #Thandel.#EssenceofThandel out on January 5th at 5:00 PM.#Dhullakotteyala #NagaChaitanya #SaiPallavi
— Suresh PRO (@SureshPRO_) January 3, 2024
