మంచు మనోజ్ హీరోగా నటిస్తున్న తాజా చిత్రం ‘అహం బ్రహ్మాస్మి’. ఈ సినిమాలో మెగా మేనల్లుడు సాయిధరమ్‌ తేజ్‌ ఓ పాత్రలో కనిపించనున్నట్లు టాలీవుడ్‌లో వార్తలు వినిపిస్తున్నాయి. చాలా కాలం బ్రేక్‌ తర్వాత మనోజ్ ‘అహం బ్రహ్మాస్మి’ సినిమాలో నటిస్తున్నాడు. ఈ చిత్రాన్ని శ్రీకాంత్‌ ఎన్‌.రెడ్డి దర్శకత్వం వహిస్తున్నాడు. ఈ సినిమాలో మనోజ్ విభిన్నమైన లుక్‌లో కనిపించనున్నట్లు విడుదలైన మొదట పోస్టర్‌ ని చూస్తే తెలుస్తుంది. ప్రస్తుతం చిత్రీకరణ దశలో ఉన్న ఈ సినిమాలో హీరో సాయిధరమ్‌ తేజ్‌ ఓ గెస్ట్‌ రోల్‌లో కనిపించనున్నట్లు సమాచారం. ఈ మేరకు సోషల్‌ మీడియాలో పోస్టులు దర్శనమిస్తున్నాయి. మరోవైపు మెగాస్టార్‌ చిరంజీవి- కలెక్షన్‌ కింగ్‌ మోహన్‌బాబు కలిసి నటించిన ‘బిల్లారంగా’ను మనోజ్, సాయిధరమ్‌ తేజ్‌ రీమేక్‌ చేయనున్నట్లు గతంలో వార్తలు వచ్చిన విషయం తెలిసిందే.
