రెజీనా కసాండ్రా, నివేదా థామస్‌ ప్రధాన పాత్రల్లో నటిస్తున్న చిత్రం ‘శాకిని డాకిని’. దక్షిణ కొరియా చిత్రం ‘మిడ్‌నైట్‌ రన్నర్‌’కి తెలుగు రీమేక్‌ ఇది. సుధీర్ వర్మ డైరెక్షన్‌ లో వస్తున్న ఈ సినిమాకి.. డి. సురేశ్‌ బాబు, సునీత తాటి, హ్యూన్వూ థామస్‌ కిమ్‌ నిర్మాతలుగా వ్యవహరిస్తున్నారు. సెప్టెంబర్‌ 16న ఈ సినిమా విడుదల కాబోతుంది. ఈ నేపథ్యంలో తాజాగా ఈ చిత్రం టీజర్‌ని విడుదల చేశారు మేకర్స్‌.
టీజర్‌ను బట్టి చూస్తే, సినిమాలో వినోదం, యాక్షన్, బలమైన కథ, డ్రామా ఉన్నట్లు తెలుస్తోంది. థ్రిల్లర్‌లను హ్యాండిల్ చేయడంలో దిట్ట అయిన సుధీర్ వర్మ ఈ సబ్జెక్ట్‌ని డీల్ చేయడంలో తనదైన మార్క్ చూపించాడు. ఈ చిత్రానికి రిచార్డ్‌ ప్రసాద్‌ సినిమాటోగ్రాఫర్‌ కాగా, మైకీ మెక్‌క్లియరీ సంగీతం అందిస్తున్నారు.
