బాహుబలి చిత్రం తరువాత యంగ్‌ రెబల్‌ స్టార్‌ ప్రభాస్ నటించిన ప్రతిష్టాత్మక మూవీ ‘సాహో’ భారీ అంచనాల నడుమ ఆగస్టు 30న ప్రేక్షకుల ముందుకు రానుండటంతో ప్రమోషన్స్‌ను వేగవంతం చేశారు. ఈ చిత్రానికి ఇంటర్నేషనల్ స్థాయిలో ప్రమోషన్స్ జరుగుతున్నాయి. తెలుగు, తమిళ్, మలయాళం, కన్నడ, హిందీ భాషల్లో ఏకకాలంలో విడుదల కానున్న ఈ ప్యాన్ ఇండియా మూవీపై భారీ అంచనాలే ఉన్నాయి.
ఈ అంచనాలకు తగ్గట్టుగా ప్రమోషన్స్ నిర్వహిస్తున్నారు డార్లింగ్‌. టాలీవుడ్‌లో టాప్ స్టార్‌గా పేరు తెచ్చుకున్న ప్రభాస్.. ‘సాహో’ చిత్రంతో బాలీవుడ్‌పై ఫోకస్ పెట్టాడు. బాలీవుడ్ ఆడియన్స్‌కి దగ్గరయ్యేందు ఓ ఒక్క అవకావకాశాన్ని వదలిపెట్టడం లేదు. తాజాగా బాలీవుడ్ కండలవీరుడు సల్మాన్ ఖాన్ నిర్మాతగా వ్యవహరిస్తున్న ‘సచ్ బలియే 9’ డాన్స్ రియాలిటీ షోలో పాల్గొన్నారు ప్రభాస్. ఈ షోకు న్యాయనిర్ణేతగా వ్యవహరిస్తున్న ఒకప్పటి హాట్ బ్యూటీ రవీనా టాండన్‌తో స్టేజ్‌పై చిందులు వేశారు ప్రభాస్.
వాస్తవానికి ప్రభాస్.. తన సినిమా ప్రమోషన్స్‌లో పెద్దగా మాట్లాడరు. యాంకర్‌లు అడిగే ప్రశ్నలకు సింగిల్ వర్డ్‌లో ఆన్సర్ ఇచ్చేసి సింపుల్‌గా తేల్చేస్తారు. కాని ఈ సారి ‘సాహో’ ప్రమోషన్స్‌లో స్టైల్ మార్చారు ప్రభాస్ ‘నచ్‌ బలియే 9’ డ్యాన్స్‌ రియాల్టీ షోలో .. రవీనా టాండన్ చీర కొంగును నోటితో పట్టుకుని ‘జుమ్మేకీ రాత్ హై’ సాంగ్‌కు స్టెప్పులతో అదరగొట్టేశారు. ‘ఆకాశ వీధిలో’, ‘బంగారు బుల్లోడు’, ‘పాండవులు పాండవులు తుమ్మెద’ చిత్రాలతో తెలుగు ప్రేక్షకులకు పరిచయం ఉన్న రావీనా టాండన్.. డార్లింగ్‌తో కలిసి స్టెప్పులను ఇరగదీసింది. ప్రస్తుతం ప్రభాస్, రవీనా టాండన్ డాన్స్ వీడియో సోషల్ మీడియాలో వైరల్ అవుతుండగా.. ప్రమోషన్స్‌లో నూతన పంథాలో వెళ్తున్న ప్రభాస్‌ని చూసి ‘సాహో’ అంటున్నారు డార్లింగ్‌ అభిమానులు.
కాగా.. ‘సాహో’ చిత్రంలో ప్రభాస్ సరసన బాలీవుడ్ బ్యూటీ శ్రద్ధా కపూర్ నటించింది. ‘రన్ రాజా రన్’ చిత్రంతో దర్శకుడిగా పరిచయమైన సుజీత్ ఈ చిత్రానికి దర్శకత్వం వహించారు. జాకీష్రాఫ్, నీల్ నితిన్ ముఖేష్‌, అరుణ్ విజ‌య్‌, లాల్‌, వెన్నెల కిషోర్‌, ప్రకాష్ బెల్వాది, ఎవిలిన్ శ‌ర్మ, చుంకి పాండే, మందిరా బేడి, మ‌హేష్ మంజ్రేకర్‌, టిను ఆనంద్‌, శ‌ర‌త్ లోహిత‌ష్వా తదితరులు ఈ చిత్రంలో నటించారు. సుమారు రూ. 350 కోట్లతో హైటెక్నికల్ వాల్యూస్‌తో వంశీ, ప్రమోద్‌లు యూవీ క్రియేషన్స్‌లో ఈ చిత్రాన్ని నిర్మించారు.
#prabhas with @TandonRaveena on tip tip barsa paani 😍😍😭😭🔥🔥
Hayee his steps 😭🔥😍❤#NachBaliye9 pic.twitter.com/HVyp6JwR8r— Prabhas ki Deewani ❤ (@Krina4prabhas) August 22, 2019
