టాలీవుడ్‌ యువ నటుడు కిరణ్ అబ్బవరం నటిస్తున్న తాజా చిత్రం ‘రూల్స్ రంజన్‌’. ఇప్పటికే ఈ సినిమా నుండి విడుదలైన ‘సమ్మోహనుడా’ పాట ఈ సినిమాపై ఒక్కసారిగా అంచనాలు పెంచేసింది. తాజాగా ఈ సినిమా ట్రైలర్‌ విడుదలైంది. ఈ ట్రైలర్‌ తో సినిమా పై ఆసక్తిని కలిగించే ప్రయత్నం చేశారు.
ఓ సాఫ్ట్ వేర్‌ కుర్రాడు రూల్స్ అంటూ ఒక గిరి గీసుకుని ఉంటాడు. అయితే గతం నుంచే పరిచయం ఉన్న ఓ అమ్మాయి మళ్లీ కలవడంతో తన రూల్స్‌ను సైతం బ్రేక్‌ చేసుకుంటాడు. పని తప్ప వేరే ధ్యాస లేని ఇన్నోసెంట్ కుర్రాడు కాస్త పబ్‌లు గట్రా తిరిగేస్తుంటాయి. అదే టైమ్‌లో ఆ అమ్మాయిపై తనుకు నిజంగానే ప్రేమ ఉందా? లేదా అలా అనిపిస్తుందా అనే కన్ఫ్యూజన్‌లో పడిపోతుంటాడు. చివరికి ఏమైంది అనేది తెలియాలంటే సెప్టెంబర్‌ 28వరకు వేచి చూడాల్సిందే. కిరణ్ కూడా సినిమాలో కాస్త కొత్తగా కనిపిస్తున్నాడు. కామెడీ టైమింగ్‌ కూడా బాగుంది.
ఈ సినిమాకి రత్నం కృష్ణ దర్శకత్వం వహిస్తున్నాడు. టాలీవుడ్‌ సెన్సేషన్‌ బ్యూటీ నేహా శెట్టి హీరోయిన్‌గా నటిస్తున్న ఈ సినిమాని ఏ.ఏం రత్న నిర్మిస్తున్నాడు. అన్నట్లు ఈ సినిమాకు దర్శకత్వం వహించింది ఏం.రత్నం కొడుకే. గతంలో ఆయన నీ మనసు నాకు తెలుసు, ఆక్సీజన్‌ వంటి సినిమాలు చేశాడు.
