టాలీవుడ్ స్టార్ హీరోలు రామ్ చరణ్, జూ. ఎన్టీఆర్ హీరోలుగా నటిస్తున్న మల్టీస్టారర్ మూవీ ‘ఆర్‌ఆర్‌ఆర్‌’. దర్శక ధీరుడు రాజమౌళి డైరెక్షన్‌లో తెరకెక్కుతున్న ఈ చిత్రంపై అభిమానులు భారీ అంచనాలు పెట్టుకున్నారు. ఇప్పటికే ఈ సినిమా నుంచి విడుదలైన టీజర్, సాంగ్స్ రికార్డులను బద్దలు కొడుతున్న సంగతి తెల్సిందే. ఇక తాజాగా అభిమానులందరు పూనకాలతో ఊగిపోయే అప్ డేట్ ని ‘ట్రిపుల్ ఆర్’ బృందం తెలిపింది. ఈ సినిమా ట్రైలర్ ని డిసెంబర్ 3 న విడుదల చేస్తున్నట్లు చిత్రబృందం ప్రకటించింది.
‘బిగ్గెస్ట్ బ్లాస్ట్ కోసం సిద్ధంగా ఉండండి. ప్రశాంతత లేదు.. ఇక సెలబ్రేషన్స్ ప్రారంభించండి’అని తెలుపుతూ సరికొత్త పోస్టర్ ని రిలీజ్ చేశారు. ఎంతో ఆసక్తికరంగా ఉన్న ఈ పోస్టర్ ప్రస్తుతం సోషల్‌ మీడియాలో వైరల్ గా మారింది. సంక్రాంతి కానుకగా జనవరి 7 న ఈ సినిమా థియేటర్లలో రిలీజ్ కానుంది. ఇక ఈ చిత్రంలో రామ్ చరణ్ అల్లూరి సీతారామరాజు పాత్రలో కనిపిస్తుండగా.. ఎన్టీఆర్ కొమరం భీమ్ గా సందడి చేయనున్నాడు. చెర్రీకి జోడిగా అలియా కనిపిస్తుండగా, తారక్ కి జోడిగా ఒలియా మోరిస్ నటిస్తోంది.
DECEMBER 3rd… RRR Trailer Day… #RRRTrailer #RRRTraileronDec3rd #RRRMovie pic.twitter.com/qAqk7Pi0Ra
— rajamouli ss (@ssrajamouli) November 29, 2021
