దర్శక ధీరుడు రాజమౌళి తెరకెక్కిస్తున్న అతి పెద్ద మల్టీస్టారర్‌ మూవీ ‘ఆర్ఆర్ఆర్’. ఈ సినిమాకు సంబంధించి ఇప్పటి వరకు ఎలాంటి పోస్టర్ గాని, సినిమా టైటిల్ గాని విడుదల చేయలేదు. అసలు సినిమాకు సంబంధించిన విషయాలను గోప్యంగా ఉంచుతూ షూటింగ్ చేస్తున్నారు. ఇప్పటికే సినిమాకు సంబంధించి 70శాతం మేర షూటింగ్ కంప్లీట్ అయ్యింది. ఇందులో ఎన్టీఆర్ కొమరం భీం గా కనిపిస్తుంటే రామ్ చరణ్ అల్లూరి సీతారామ రాజుగా కనిపిస్తున్నారు.
ఇక ఇదిలా ఉంటె కొత్త సంవత్సరంలో సినిమా ప్రమోషన్ చేసేందుకు రాజమౌళి సిద్థం అవుతున్నారని తెలుస్తోంది. కొత్త సంవత్సరం ఈ సినిమాకు సంబంధించిన పోస్టర్స్ రిలీజ్ చేస్తారని అంటున్నారు. అయితే, యూనిట్ మాత్రం దీనికి సంబంధించి ఎలాంటి క్లారిటీ ఇవ్వలేదు. జనవరి 1 వ తేదీన ఆర్ఆర్ఆర్ నుంచి సర్ప్రైజ్ ఉంటుందని మాత్రం ప్రచారం జరుగుతున్నది.
