మెగా పవర్‌ స్టార్‌ రామ్‌చరణ్, యంగ్‌ టైగర్‌ ఎన్టీఆర్‌ హీరోలుగా దర్శకధీరుడు రాజమౌళి డైరెక్షన్‌లో తెరకెక్కుతున్న చిత్రం ‘ఆర్ఆర్ఆర్’. భారీ బడ్జెట్ తో తెరకెక్కుతున్న ఈ మూవీ షూటింగ్ కరోనా కారణంగా వాయిదా పడింది. అయితే షూటింగ్‌లకు ప్రభుత్వం అనుమతించడంతో… మళ్లీ షూటింగ్ కు సన్నాహకాలు చేసుకుంటున్నారు.
ఈ నెలాఖరు నుంచి షూటింగ్ ను మళ్లీ పట్టాలెక్కించేందుకు రాజమౌళి ప్లాన్ చేసుకుంటున్నారు. ఇందులో భాగంగా షూటింగ్ లో పాల్గొనే నటులందరూ ఈ నెల 10 నుంచి హోటల్స్ లో 14 రోజుల పాటు క్వారంటైన్ లో ఉండనున్నట్టు వార్తలు వినిపిస్తున్నాయి. మరోవైపు షూటింగ్ సమయంలో ఉపయోగించే సామగ్రిని శానిటైజ్ చేయించడానికి, థర్మల్ స్క్రీనింగ్ ద్వారా ఆరోగ్య పరిస్థితిని తెలుసుకోవడానికి కూడా ఏర్పాట్లు చేస్తున్నారు.
