నందమూరి బాలకృష్ణ హీరోగా.. గోపీచంద్ మలినేని డైరెక్షన్‌లో వస్తున్న చిత్రం ‘వీరసింహా రెడ్డి’. రాయలసీమ ఫ్యాక్షన్ నేపథ్యంలో సాగే మాస్ యాక్షన్ మూవీ ఇది. మైత్రీ మూవీ మేకర్స్ వారు నిర్మించిన ఈ సినిమాలో శృతి హాసన్ హీరోయిన్‌గా నటిస్తుంది. తమన్ నుంచి వచ్చిన మాస్ బీట్స్ కి ఇప్పటికే అనూహ్యమైన రెస్పాన్స్ వచ్చింది.
ఈ నేపథ్యంలో న్యూ ఇయర్ సందర్భాన్ని పురస్కరించుకుని, ఈ సినిమా నుంచి కొంతసేపటి క్రితం మేకింగ్ వీడియోను విడుదల చేశారు. బాలయ్య యాక్షన్, ఎమోషన్, సాంగ్ చిత్రీకరణకి సంబంధించిన సన్నివేశాల నేపథ్యంలోని బిట్స్ తో మేకింగ్ వీడియోను వదిలారు. ఈ వీడియోలో బాలయ్య కుటుంబ సభ్యులు కూడా కనిపిస్తున్నారు. సంక్రాంతి పండుగ సందర్భంగా జనవరి 12వ తేదీన ఈ సినిమా ప్రేక్షకుల ముందుకు రాబోతుంది.
