బాలీవుడ్ యంగ్‌ హీరో సుశాంత్ సింగ్ రాజ్ పుత్ ఆత్మహత్య పై పోలీసులు విచారణ జరుపుతున్నారు. ఈ నేపద్యంలో ఆరోపణలను ఎదుర్కొంటున్న నటి రియా చక్రవర్తి సుశాంత్ సోదరిపై తీవ్రస్థాయిలో ఆరోపణలు చేశారు. సుశాంత్ సోదరి మద్యం మత్తులో తనతో అసభ్యంగా ప్రవర్తించిందని ఆరోపించింది. ఒకరోజు రాత్రి తాను సుశాంత్ ప్లాట్‌లో ఉన్న సమయంలో అత‌డి సోదరి ఫుల్‌గా మద్యం సేవించి తన బెడ్‌రూమ్‌లోకి వచ్చిందని, అనంతరం అసభ్యంగా తడిమిందని రియా పేర్కొంది. ఆ తరవాత సుశాంత్ ఆమెను భయటకు పంపించాడని తెలిపింది. ఆ విషయం సుశాంత్ కు చెప్పడంతో అతడు ఆమెతో గొడవ పెట్టుకున్నాడని వెల్లడించింది. ఇక ఇదివరకు కూడా రియా సుశాంత్ తన సోదరి మంచిది కాదని తనను వేధిస్తోందని తనతో చెప్పుకుని భాధపడ్డాడని ఆరోపించింది. ఈ ఆరోపణలను సుశాంత్ కుటుంబం ఖండించింది.
