కరోనా కాలం లో వరుస సినిమాలను ప్రకటిస్తూ.. సినీ ప్రేక్షకులను ఆకట్టుకుంటున్నాడు వివాదస్పద దర్శకుడు రామ్‌ గోపాల్‌ వర్మ. శృంగార తార మియా మాల్కోవా తో ‘క్లైమాక్స్’ , ఆ తర్వాత ‘నగ్నం’ సినిమాలను తెరకెక్కించాడు. ఇక ప్రణయ్ హత్య ఘటన పై ‘మర్డర్’ అనే సినిమాను కూడా తెరకెక్కిస్తున్నాడు వర్మ. వీటిన ఆర్జీవీ వ‌ర‌ల్డ్ యాప్‌లో ఒక్కొక్క‌టిగా విడుదల చేస్తున్నాడు. ఇక తాజాగా ”12 O క్లాక్” అనే హారర్ మూవీ ప్రకటించాడు. ఒకప్పుడు ‘రాత్’ ‘భూత్’ ‘డర్నా మనా హై’ ‘డర్నా జరూరి హై’ ‘వాస్తుశాస్త్ర’ ‘బూత్ రిటర్న్స్’ వంటి సినిమాలతో ఆడియన్స్ ని భయపెట్టిన వర్మ ఈ మధ్య హారర్ సినిమాలు తీయడం తగ్గించేసాడు. ఇప్పుడు అందరూ కరోనా భయంతో వణికిపోతుంటే నేను హారర్ సినిమాతో భయపెడతాను అంటూ ”12 O క్లాక్” ముందుకొచ్చాడు. ఈ సినిమా ఈ రోజు సాయంత్రం 7 గంటలకి ట్రైలర్ రిలీజ్ చేస్తానంటూ ప్రకటించాడు. చెప్పినట్లుగానే ”మీ లాక్డౌన్ అనుభవాన్ని మరింత భయపెట్టడానికి 12 ‘O’ CLOCK అంటూ ట్రైలర్ విడుదల చేశాడు. కంపెనీ ప్రొడ‌క్ష‌న్‌పై రామ్‌గోపాల్ వర్మ తెర‌కెక్కిస్తుండ‌గా, ఎంఎం కీర‌వాణి మ్యూజిక్‌ను అందిస్తున్నారు.
