Nara Lokesh about Red Book Chapter 3 Secrets:
ఆంధ్రప్రదేశ్ క్యాబినెట్ మంత్రి నారా లోకేష్ ఇటీవల అమెరికా పర్యటనలో ఉన్నారు. ఈ పర్యటనలో భాగంగా అట్లాంటా నగరంలో ఎన్టీఆర్ విగ్రహాన్ని ఆవిష్కరించారు. ఈ కార్యక్రమంలో ఆయన మాట్లాడుతూ రెడ్ బుక్ గురించి, గత ఐదేళ్లుగా చట్టాన్ని ఉల్లంఘించిన వారిపై ఆగ్రహం వ్యక్తం చేశారు.
“రెడ్ బుక్ లో మొదటి రెండు చాప్టర్లు ఇప్పటికే తెరుచుకున్నాయి. మూడవ చాప్టర్ కూడా త్వరలోనే తెరుచుకుంటుంది,” అని లోకేష్ వెల్లడించారు. లోకేష్ తన యువగళం పాదయాత్ర సమయంలో ప్రభుత్వంవారి నుండి ఎదుర్కొన్న ఇబ్బందులను ఈ సందర్భంలో వివరించారు. “
వైసీపీ ప్రభుత్వం నన్ను నిరంతరం వేధించింది. అయినప్పటికీ నేనే కాదు, నా మీద అభిమానం గల ఎన్నారైలు కూడా సాయంగా నిలిచారు. సోషల్ మీడియాలో వారి మద్దతు ప్రకటిస్తే వారికి లుకౌట్ నోటీసులు జారీ చేశారు, అయినా వాళ్లు వెనుకడగు వేయలేదు,” అని లోకేష్ అన్నారు.
ఆయన వైఎస్ జగన్ పై కూడా విమర్శలు గుప్పిస్తూ, జగన్ రెడ్ బుక్ భయపడి గుడ్ బుక్ తీసుకురావాలని చెప్పిన మాటను ప్రస్తావించారు. “జగన్ గుడ్ బుక్ తీసుకురావాలని అన్నారు కానీ, అందులో ఏం రాయాలో కూడా తెలియకపోతుంది,” అని లోకేష్ అన్నారు.
రెడ్ బుక్ పేరుతో లోకేష్ ఎన్నారై మద్దతుదారులను ఉద్దేశిస్తూ, చట్టాన్ని ఉల్లంఘించిన ప్రతి ఒక్కరికి శిక్ష తప్పదని సంకల్పం వ్యక్తం చేశారు. ఆగ్రహంతో ఆయన, టీడీపీ అధికారంలోకి వచ్చిన తర్వాత రెడ్ బుక్ లో పేరున్న వైసీపీ నాయకులు, అధికారులపై కఠిన చర్యలు తీసుకుంటామని స్పష్టం చేశారు.
నారా లోకేష్ ఈ రెడ్ బుక్ ను ఎన్నికల ప్రచారంలో భాగంగా పరిచయం చేశారు. ఇందులో గత ఐదేళ్లలో వైసీపీ నేతలు మరియు ప్రభుత్వ అధికారుల అక్రమాలపై నామాలు ఉన్నాయని, వారు తిరిగి అధికారంలోకి వచ్చాక కచ్చితంగా శిక్షిస్తామని ప్రజలకు హామీ ఇచ్చారు.
ALSO READ: Diwali Releases బాక్స్ ఆఫీస్ వద్ద ఎలా పోటీపడుతున్నాయో తెలుసా?
