Teja Sajja Upcoming Movies:
యంగ్ హీరో Teja Sajja ప్రస్తుతం సినీ పరిశ్రమలో తనకంటూ ఒక ప్రత్యేక స్థానాన్ని ఏర్పరచుకున్నారు. హను మ్యాన్ సినిమాతో పాన్ ఇండియా స్థాయిలో గుర్తింపు పొందిన ఆయన, పరిశ్రమలో కొత్త ట్రెండ్ సృష్టిస్తున్నారు అంటే అతిశయోక్తి కాదు.
సాధారణంగానే ఎవరైనా హీరో వరుస సక్సెస్ కు అందుకుంటూ ఉంటే.. నిర్మాతలు, దర్శకులు ఆ నటుడితో పని చేయడానికి ఆసక్తి చూపిస్తారు. ఇక అనుభవం కలిగిన స్టార్ లు అయినా, యువ నటులకైనా, నిర్మాతలు ముందుగా వెళ్లి అడ్వాన్స్‌లు ఇవ్వడం కూర ఎప్పటినుంచో జరుగుతున్న విషయమే.
అయితే, తేజ సజ్జా మాత్రం ఈ పద్ధతి ఫాలో అవ్వడం లేదు. హనుమాన్ విడుదలైన తర్వాత కూడా, సినిమా కథపట్ల పూర్తి నమ్మకం కలిగిన తర్వాతే తాను ప్రాజెక్ట్స్‌కు కమిట్ అవుతానని తేజ స్పష్టంగా చెబుతున్నాడట. ప్రస్తుతం తేజ కొన్ని కథలు వింటున్నారట.. అయితే తనకు నచ్చిన కథలు మాత్రమే ఒప్పుకుంటున్నారు అని తెలుస్తోంది.
మెగాస్టార్ చిరంజీవి నటించిన ఇంద్ర చిత్రంలో తేజ సజ్జ చైల్డ్ ఆర్టిస్ట్ గా కనిపించిన సంగతి తెలిసిందే. తాజాగా చిరంజీవి పుట్టినరోజు సందర్భంగా రీ రిలీజ్ అయిన ఈ సినిమాను తేజ థియేటర్ కి వెళ్లి చూసినా వీడియోలు సోషల్ మీడియాలో బాగానే వైరల్ అయ్యాయి.
ప్రస్తుతం తేజ సజ్జా మిరాయి సినిమాపై దృష్టిపెట్టారు. భారీ బడ్జెట్ తో తెరకెక్కుతున్న ఈ ఫాంటసీ సినిమా మీద భారీ అంచనాలు నెలకొన్నాయి. ఒకవైపు ఒక్క సినిమా హిట్ అందుకోగానే.. వరుసగా సినిమాలు ఓకే చేస్తున్న హీరోల లాగా కాకుండా.. కదా నచ్చితేనే సినిమాలకి ఓకే చెబుతూ తనకంటూ ఒక ప్రత్యేకమైన స్థానాన్ని ఏర్పరచుకున్నారు తేజ.
