RC16 movie update:
మెగా పవర్ స్టార్ రామ్ చరణ్ హీరోగా నటిస్తున్న 16వ సినిమాను ప్రస్తుతానికి తాత్కాలికంగా RC16 అని పిలుస్తున్న సంగతి తెలిసిందే. ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ఇందులో బాలీవుడ్‌ నటి జాన్వి కపూర్‌, కన్నడ స్టార్ శివరాజ్‌కుమార్‌ కీలక పాత్రల్లో నటిస్తుండగా, ఉప్పెన ఫేమ్ బుచ్చి బాబు సనా దర్శకత్వం వహిస్తున్నారు.
తాజా సమాచారం ప్రకారం, RC16 స్క్రిప్ట్‌పై భారీగా ఖర్చు పెడుతున్నారని టాలీవుడ్ వర్గాల్లో చర్చలు మొదలయ్యాయి. సినిమా కథను సిద్ధం చేయడానికి రచయితల బృందానికి సుమారు రూ.3 కోట్లు ఖర్చు చేస్తున్నట్లు తెలుస్తోంది. ఈ రచయితల బృందంలో అనుభవజ్ఞులైన రచయితలు ఉండగా, వారు ప్రస్తుతం స్క్రిప్ట్‌ ను సరిదిద్దడంలో నిమగ్నమై ఉన్నారు.
ఈ నెలలో సినిమా షూటింగ్‌ ప్రారంభం కాకముందు మంచి స్క్రిప్ట్‌ సిద్ధం చేయాలని ఉద్దేశంతో ఉన్నారు. RC16 సినిమా ప్రీ ప్రొడక్షన్ పనులు వేగంగా జరుగుతున్నాయి. ఇప్పటికే ఆస్కార్ అవార్డు గ్రహీత, సంగీత దర్శకుడు ఏఆర్ రెహ్మాన్ మూడు పాటలు కంపోజ్ చేశారు. ఈ ప్రాజెక్టు నిర్మాణం విషయంలో వస్తున్న అప్డేట్స్ కోసం అభిమానులు ఎంతో ఆసక్తిగా ఎదురు చూస్తున్నారు.
ప్రముఖ నిర్మాత వెంకట సతీష్ కిలారు ఈ ప్రతిష్టాత్మక చిత్రాన్ని తన వృద్ధి సినిమాస్‌ పతాకంపై నిర్మిస్తుండగా, సుకుమార్ రైటింగ్స్‌తో కలిసి మైత్రి మూవీ మేకర్స్‌ సంయుక్త నిర్మాణంలో సినిమా రూపొందనుంది.
ఈ ప్రాజెక్ట్‌ మీద భారీ అంచనాలు ఉన్నాయనడంలో సందేహం లేదు. రామ్ చరణ్ ఈ చిత్రంలో అంచనాలు మించిన పాత్రలో కనిపించబోతున్నారని టాక్‌ ఉంది. బుచ్చి బాబు సానా దర్శకత్వంలో, ఒక పక్కా ఎమోషనల్ డ్రామాగా ఈ సినిమా రూపొందనుంది.
Read More: NTR31: ప్రశాంత్ నీల్ సినిమాలో తారక్ తో రొమాన్స్ చేయనున్న హీరోయిన్ ఆమేనా?
