టాలీవుడ్‌ హీరో మాస్‌మహ రాజ రవితేజ ప్రస్తుతం ఖిలాడి సినిమాతో బిజీగా ఉన్నాడు. దీని తరువాత మరో సినిమా చేయనున్నాడు. శరత్ మండవ డైరెక్షన్‌లో వస్తున్న ఈ సినిమాలో రవితేజ ఈ సారి చిత్తూరు యాసలో సందడి చేయనున్నట్టుగా చెప్పుకుంటున్నారు. ప్రస్తుతం ఈ సినిమాను సెట్స్ పైకి తీసుకెళ్లడానికి సంబంధించిన సన్నాహాలు జోరుగా జరుగుతున్నాయి.
శరత్ మండవ ఈ సినిమాతోనే దర్శకుడిగా పరిచయమవుతున్నాడు. ఈ సినిమా కోసం ఆయన ఎంచుకున్న కథ చాలా కొత్తగా ఉందట. పాతికేళ్ల క్రితం జరిగే కథ ఇది. అప్పటి పరిస్థితుల చుట్టూ ఈ కథ తిరుగుతుంది. ఈ సినిమాలో రవితేజ లుక్ కూడా చాలా డిఫరెంట్ గా ఉంటుందని అంటున్నారు. ఇక ఆయన చిత్తూరు యాసలో మాట్లాడతాడనే విషయం తాజాగా బయటికి వచ్చింది. ఈ డైలాగ్ డెలివరీతో ఆయన ఎలా చెలరేగిపోతాడో చూడాలి. వినోదభరితమైన ఈ సినిమాలో ‘దివ్యాన్ష కౌశిక్’ హీరోయిన్‌గా నటిస్తుంది. సామ్ సీఎస్ సంగీతం అందిస్తున్నారు.
