రవితేజ చిత్రానికి రెండు తేదీలు ప్రకటించిన నిర్మాతలు

రవితేజ నటించిన తాజా చిత్రం ‘రామారావు ఆన్ డ్యూటీ’ మార్చి 25 లేదా ఏప్రిల్ 15న విడుదల చేయనున్నట్లు నిర్మాతలు ప్రకటించారు. ఈ చిత్రంతో శరత్ మండవ దర్శకుడిగా పరిచయమవుతున్నారు. సుధాకర్ చెరుకూరి నిర్మించిన ఈ సినిమాలో రవితేజ కూడా భాగస్వామిగా ఉన్నారు. విభిన్న కథాంశంతో యూనిక్ యాక్షన్ థ్రిల్లర్‌గా ఈ సినిమా తెరకెక్కుతోంది.

రామారావు ఆన్ డ్యూటీ చిత్రాన్ని మార్చి 25న విడుదల చేయనున్నట్టు కొద్ది రోజుల క్రితమే ప్రకటించినప్పటికీ కరోనా పరిస్థితుల కారణంగా మరో తేదీని కూడా ప్రకటించారు. ఈ రెండు తేదీల్లో ఏదో ఒక తేదీన విడుదల చేయనున్నారు. రవితేజ సరసన దివ్యాన్ష, రజీషా కథానాయికలుగా నటిస్తున్నారు. ఈ చిత్రంలో పాపులర్ నటుడు వేణు ఓ కీలక పాత్రలో కనిపించనున్నాడు. ఇంకా నాజర్, నరేష్, తనికెళ్ల భరణి, పవిత్ర లోకేష్ ఇతర ముఖ్య పాత్రల్లో నటిస్తున్నారు.

Due to the recent developments and for the larger good of the industry, #RamaRaoOnDuty would hit the big screens either on March 25th or April 15th.@RaviTeja_offl @directorsarat @itsdivyanshak @rajisha_vijayan @sathyaDP @SamCSmusic @sahisuresh @Cinemainmygenes @RTTeamWorks pic.twitter.com/xOz8MMaBeI

— SLV Cinemas (@SLVCinemasOffl) February 1, 2022