హీరో రవితేజ, శృతిహాసన్‌ జంటగా నటిస్తున్న తాజా చిత్రం క్రాక్. గోపిచంద్‌ మలినేని తెరకెక్కిస్తున్న ఈ సినిమాలో రవితేజ పవ‌ర్ ఫుల్ పోలీస్ ఆఫీస‌ర్‌గా క‌నిపించ‌నున్నాడు. సముద్రఖని, వరలక్ష్మి శరత్‌కుమార్‌, దేవీప్రసాద్‌ ప్రధాన పాత్రల్లో నటిస్తున్న ఈ చిత్రాన్ని సంక్రాంతి కానుక‌గా వ‌చ్చే ఏడాది జ‌న‌వ‌రి 14న విడుద‌ల చేయబోతున్న‌ట్టు మేక‌ర్స్ అఫీషియ‌ల్‌గా ప్ర‌కటించారు. రాజా ది గ్రేట్ చిత్రం త‌ర్వాత స‌రైన హిట్ సాధించని రవితేజ మంచి హిట్ కోసం ఎదురు చూస్తున్నాడు. తాజాగా ఈ చిత్రంలోని ‘భలేగా తగిలావ్‌ బంగారం’ అనే లిరికల్‌ వీడియోను చిత్రబృందం విడుదలచేసింది. అనిరుధ్ ఆల‌పించిన ఈ గీతానికి రామజోగయ్యశాస్త్రి సాహిత్యాన్ని అందించగా తమన్ సంగీతం అందించాడు. ఇది నెటిజన్లను ఎంత‌గానో ఆక‌ట్టుకుంది.
