Rashmika to Sai Pallavi: పాన్ఇండియా మూవీలతో టాలీవుడ్‌ క్రేజ్‌ పెరిగింది. తెలుగు హీరో, హీరోయిన్‌ల డిమాండ్‌ పెరిగింది. ఇతర భాషలతో పాటు బాలీవుడ్ డైరెక్టర్‌, స్టార్ కూడా టాలీవుడ్‌ హీరో, హీరోయిన్‌లతో సినిమాలు చేసేందుకు ఆసక్తి చూపిస్తున్నారు. ఇలా సౌత్ఇండస్ట్రీకి చెందిన హీరోయిన్స్ బాలీవుడ్లో కూడా తమ సత్తా చాటుతున్నారు. అలనాటి తారలు దివంగత శ్రీదేవి, రేఖ, జయప్రద బాలీవుడ్లో టాప్ హీరోయిన్స్ అనిపించుకున్నారు. ఆ తర్వాత లిస్ట్లోకి చాలామంది వెళ్లారు. ఇప్పుడు మరికొందరు యంగ్‌ హీరోయిన్‌గా కూడా ఆ లిస్ట్లో చేరనున్నారు.
సాయి పల్లవి: బాలీవుడ్ హీరో ఆమీర్ ఖాన్ తనయుడు జునైద్ ఖాన్ హీరోగా తెరకెక్కనున్న చిత్రంతో సాయి పల్లవి బాలీవుడ్లోకి ఎంట్రీ ఇస్తుంది. ఈ మూవీతో జునైద్ ఖాన్ వెండితెరకు పరిచయమవుతున్నాడు. ప్రస్తుతం విదేశీ షెడ్యూల్ షూటింగ్లో ఈ మూవీ టీమ్ ఉంది. దీంతోపాటు క్రేజీ ప్రాజెక్ట్ ‘రామాయణం’లో సీతగా కనిపించనుంది. రణబీర్ కపూర్ రాముడిగా నటిస్తున్న ఈ మూవీ షూటింగ్ ఇప్పటికే ప్రారంభమైంది. ఈ మూవీకి చెందిన కొన్ని ఫోటోలు నెట్టింట వైరల్ అవుతున్నాయి.
సమంత: మొదట ‘ఫ్యామిలీ మ్యాన్’ సిరీస్తో బాలీవుడ్లో ఎంట్రీ ఇచ్చింది సమంత. ఆ తరువాత పాన్ఇండియా మూవీ ‘పుష్ప’లో ఐటమ్ సాంగ్తో అందరి దృష్టిని తనవైపుకు తిప్పుకుంది. ఇప్పుడు ‘సిటాడెల్’ తో గ్లోబల్ లెవెల్లో తన టాలెంట్ నిరూపించుకోనుంది. రస్సో బ్రదర్స్ డైరెక్షన్లో వరుణ్ ధావన్ సరసన నటించింది సమంత.
రష్మిక: 2022లోనే ‘గుడ్ బై’ సినిమాతో బాలీవుడ్ అడుగుపెట్టింది రష్మిక. ‘పుష్ప’తో అక్కడి ప్రేక్షకులకు పరిచయమైంది. అయితే ‘గుడ్ బై’, ‘మిషన్ మజ్ను’ సినిమాల్లో పాత్రలు పెద్దగా గుర్తింపు ఇవ్వకపోయినా గత ఏడాది సూపర్ హిట్ ‘యానిమాల్’ మాత్రం నటిగా మరో స్థాయికి తీసుకువెళ్లింది. ప్రస్తుతం రెండు భారీ బాలీవుడ్ ప్రాజెక్ట్స్ లో రష్మిక నటిస్తుంది. ఒకటి సల్మాన్ ఖాన్ తో నటిస్తున్న ‘సికందర్’ కాగా, మరొకటి విక్కీ కౌశల్ నటిస్తున్న హిస్టారికల్ డ్రామా ‘చావా’.
కీర్తి సురేష్: ‘మహానటి’ తర్వాత కీర్తి సురేష్ మార్కెట్ అమాంతం పెరిగింది. అప్పుడే బాలీవుడ్ సినిమాల్లోకి ఎంట్రీ ఇవ్వాల్సి ఉంది. కానీ, కొన్ని కారణాల రీత్యా ఆ అవకాశాలు వేరే వాళ్లకు వెళ్లిపోయాయి. అయితే ఎట్టకేలకు కీర్తి సురేష్ బాలీవుడ్లోకి ‘బాబీ జాన్’ అనే మూవీతో ఎంట్రీ ఇవ్వనుంది. ఈ సినిమా మే 31న థియేటర్లలో విడుదల కానుంది.
